کراچی : شہرقائد کے علاقے ناظم آباد میں پولیس اہلکاروں اور ڈاکوؤں میں فائرنگ کا تبادلہ ہوا جس کے نتیجے میں ایک ڈاکو ہلاک جبکہ دوسرے کو زخمی حالت میں گرفتار کرلیا گیا۔
تفصیلات کے مطابق کراچی میں ناظم آباد کے علاقے پاپوش میں پولیس نے ڈکیتی کی کوشش ناکام بنادی، فائرنگ کے تبادلے میں ایک ڈاکومارا گیا جبکہ دوسرے کو گرفتار کرلیا گیا۔
ایس ایس پی سینٹرل کے مطابق 4 ڈاکو گھر میں واردات کی نیت سے داخل ہوئے، 15 پراطلاع ملنے پر پولیس بروقت موقع پر پہنچی۔
ایس ایس پی عرفان بلوچ نے بتایا کہ پولیس اہلکاروں اورڈاکوؤں میں فائرنگ کا تبادلہ ہوا جس میں ایک ڈاکو ہلاک جبکہ دوسرے کو زخمی حالت میں گرفتار کرلیا۔
انہوں نے مزید بتایا کہ ملزمان کے دو ساتھی فرار ہونے میں کامیاب ہوگئے جن کی گرفتاری کے لیے کارروائیاں کی جا رہی ہیں۔
کراچی: ایم کیو ایم لندن کے دو ٹارگٹ کلر گرفتار
واضح رہے کہ کراچی کے علاقے بفرزون میں رات گئے پولیس نے کارروائی کرتے ہوئے متحدہ قومی موومنٹ (لندن) سے تعلق رکھنے والے دو ٹارگٹ کلر کو گرفتارکیا تھا۔
ایس ایس پی سینٹرل کا کہنا تھا کہ گرفتار ملزمان میں اویس عرف شاہ اور عابد عرف نانا شامل ہے، ملزمان نے سب انسپکٹر مجیدآغا، کانسٹیبل نذیر اور اے ایس آئی سمیت 6 افراد کو قتل کرنے کا اعتراف کیا تھا۔
