لاہور : وزیراعلیٰ پنجاب نے قبضہ گروپوں اورتجاوزات کے خلاف ایکشن لیتے ہوئے سخت کارروائی کرنے کا فیصلہ کرلیا،صوبے میں22پیٹرول پمپس کی لیز کی نیلامی بھی کی جائے گی۔
تفصیلات کے مطابق لاہور میں وزیراعلیٰ پنجاب سردارعثمان بزدار کی زیرصدارت اعلیٰ سطح کا اجلاس منعقد ہوا، اجلاس میں قبضہ گروپوں اور تجاوزات کے خلاف آپریشن کا فیصلہ کیا گیا۔
اس موقع پر خطاب کرتے ہوئے وزیر اعلیٰ کا کہنا تھا کہ قبضہ گروپوں کیخلاف بلاامتیاز کارروائی ہوگی اور آپریشن بااثر اور طاقتور مافیا سے شروع ہوگا، پلاٹس یا اراضی پر قبضے کی شکایات کے ازالے کیلئے ٹاس فورس قائم کر دی گئی ہے۔
مزید پڑھیں: وزیرِ اعلیٰ پنجاب عثمان بزدار بھی عمران خان کی سادگی کے نقش قدم پر
ایل ڈی اے میں تعینات لاہور پولیس کی نفری کو تبدیل کرنے کا حکم بھی دے دیا ہے۔ عثمان بزدار نے ہدایت کی کہ ایل ڈی اے کے زیرانتظام22پیٹرول پمپس کی لیز کی نیلامی دی جائے نیلامی کے طریقہ کار پر سپریم کورٹ کے فیصلے کے مطابق عملدرآمد ہوگا۔
