اسلام آباد: پارلیمنٹ لاجز کی تزئین و آرائش کے لیے 11 کروڑ 55 لاکھ روپے کے ٹینڈرز جاری کردیے گئے۔
تفصیلات کے مطابق پارلیمنٹ لاجز کی تزئین و آرائش کے لیے 11 کروڑ روپے کے ٹینڈرز جاری کردیے گئے۔ ارکان پارلیمنٹ کے لیے 3 کروڑ روپے کا نیا فرنیچر خریدنے کا ٹینڈر دے دیا گیا۔
پرانے فرنیچر کی پالش پر 45 لاکھ روپے خرچ ہوں گے۔ پارلیمنٹ لاجز کے باتھ روم اپ گریڈ کرنے پر 95 لاکھ روپے کا ٹینڈر دیا گیا۔ ارکان پارلیمنٹ کے کچن پر 60 لاکھ روپے خرچ کیے جائیں گے۔
نئے ارکان پارلیمنٹ کے لیے 50 لاکھ کے پردے خریدنے کا ٹینڈر دیا گیا۔ ارکان کو پرانے قالین پسند نہیں آئے، 40 لاکھ کے قالین خریدے جا رہے ہیں۔
ارکان کی گاڑیوں کو دھوپ اور بارش سے بچانے کے لیے 2 کروڑ کی پارکنگ شیڈ لگیں گے۔
پارلیمنٹ لاجز کی صفائی کے لیے 2 کروڑ 80 لاکھ کا ٹینڈر جاری کیا گیا ہے۔ ارکان کے کمروں کی سیلنگ 30 لاکھ میں نئی کی جائے گی جبکہ 25 لاکھ روپے کے کوکنگ رینج خریدنے کا ٹینڈر بھی جاری کیا گیا ہے۔
