ریاض: امریکی لڑاکا ہیلی کاپٹر ایم ایچ 60 آر سعودی عرب کی بحریہ کو اگلے ہفتے فراہم کردئیے جائیں گے۔
عرب میڈیا کے مطابق یہ جدید ہیلی کاپٹر بحری جہازوں اور بیڑوں پر قائم عسکری اڈوں سے کام کرتے ہیں، یہ ثانوی مشن مثلاً سرچ آپریشن، ریسکیو اور زخمیوں کو منتقل کرنے کا کام انجام دینے کی بھی صلاحیت رکھتے ہیں۔
امریکا نے جون 2015 میں ہیلی کاپٹروں کی فروخت اور انہیں ہتھیاروں سے لیس کرنے کے ارادے کا اعلان کیا تھا۔
[bs-quote quote=”معاہدے کے تحت سعودی عرب ابتدائی طور پر 10 ایم ایچ 60 آر ملٹی مشن ہیلی کاپٹر حاصل کرے گا” style=”default” align=”left”][/bs-quote]
معاہدے کے تحت سعودی عرب ابتدائی طور پر 10 ایم ایچ 60 آر ملٹی مشن ہیلی کاپٹر حاصل کرے گا، ان کو ’سی ہاک‘ کا نام دیا گیا ہے اور یہ پرانے ایچ 46 ڈی کی جگہ لیں گے۔
امریکا لڑاکا ہیلی کاپٹر کے ذریعے اُڑان بھرنے کے ہر گھنٹے کے اخراجات اور غیر مقررہ دیکھ بھال میں بڑی حد تک کمی آئے گی۔
ہیلی کاپٹر کے کاک پٹ میں ٹیکنالوجی کی حامل اسکرینز نصب ہیں جو پائلٹ اور اس کے معاون کے لیے عمودی اور افقی اظہار کو آسان بنادیتی ہیں۔
