ایک خاتون خانہ کو اندازہ ہے کہ کپڑے دھونے کے بعد انہیں تہہ کر کے واپس رکھنا کتنا وقت طلب کام ہے، خصوصاً اگر گھر میں افراد زیادہ ہوں تو یہ کام کئی گھنٹوں پر محیط ہوجاتا ہے۔
یہی نہیں کپڑے عموماً ہفتے میں ایک یا 2 بار دھوئے جاتے ہیں لہٰذا یہ کام بھی اتنی ہی بار کرنا پڑتا ہے۔
اگر کپڑوں کو تہہ کر کے نہ رکھا جائے تو بکھرے کپڑوں کا ایک ڈھیر گھر کے کسی کونے میں پڑا آپ کی سلیقہ مندی کو منہ چڑا رہا ہوتا ہے۔
- Advertisement -
تاہم اب خواتین کے لیے ایسی مشین ایجاد کرلی گئی ہے جو دھلے ہوئے کپڑوں کو تہہ بھی کردے گی۔
فولڈی میٹ نامی یہ مشین خواتین کا وقت بچانے کے لیے بہت معاون ثابت ہوسکتی ہے۔ بس آپ کو ایک کے بعد ایک کر کے اس میں کپڑے رکھتے جانے ہوں گے جو تہہ ہوکر باہر آتے جائیں گے۔
مائیکرو ویو اوون کی شکل کی یہ مشین آپ کی زندگی کو آسان اور گھر کو سمٹا ہوا بنا سکتی ہے۔
