لاہور: قومی احتساب بیورو (نیب) نے شہباز شریف سے احتساب عدالت میں پیشی سے قبل تفتیش کی، نیب ٹیم نے شہباز شریف سے کاسا ڈویلپرز اور پیراگون سے متعلق سوالات کیے۔
تفصیلات کے مطابق نیب لاہور نے احتساب عدالت میں پیشی سے قبل شہباز شریف سے کاسا ڈویلپرز اور پیراگون سے متعلق متعدد سوالات کیے، نیب ٹیم نے سعد رفیق سے متعلق بھی سوال پوچھے۔
[bs-quote quote=”شہباز شریف نے متعدد سوالات پر لا علمی کا اظہار کیا” style=”style-7″ align=”left” color=”#dd3333″][/bs-quote]
نیب ٹیم نے پوچھا ’کیا آپ کو معلوم تھا پیراگون کا تعلق سعد رفیق سے ہے؟ کیا سعد رفیق نے آپ سے کاسا ڈویلپرز کے حق میں معاونت کی فرمائش کی؟‘
ذرائع کے مطابق شہباز شریف نے متعدد سوالات پر لا علمی کا اظہار کیا، انھوں نے بتایا کبھی آشیانہ اقبال سے متعلق غیر قانونی قدم اٹھانے کی بات نہیں ہوئی۔
شہباز شریف نے نیب ٹیم کو جواب دیا کہ پی ایل ڈی سی یا ایل ڈی اے کے افسر نے رشوت لی توعلم نہیں، آشیانہ اقبال کیس میں بے قاعدگیوں کی تحقیقات کا حکم دیا تھا۔
یہ بھی پڑھیں: شہباز شریف کی گرفتاری اور ریمانڈ کے خلاف درخواست دائر
ذرائع کے مطابق تفتیشی ٹیم شہباز شریف سے کی جانے والی تحقیقات پر مشتمل رپورٹ کل عدالت میں پیش کرے گی، شہباز شریف سے تحقیقات کے لیے مزید ریمانڈ کی استدعا بھی کی جائے گی۔
واضح رہے کہ قومی اسمبلی میں اپوزیشن لیڈر شہباز شریف کی گرفتاری اور ریمانڈ کو لاہور ہائی کورٹ میں چیلنچ کر دیا گیا ہے، جس میں کہا گیا ہے کہ آئین کے آرٹیکل 248 کے مطابق پبلک آفس ہولڈر کو گرفتار نہیں کیا جا سکتا۔
