لاہور: مسلم لیگ ن کے رہنما رانا ثنااللہ کا کہنا ہے کہ حکومتی اقدامات کی وجہ سے ڈالرکی قیمت بڑھ رہی ہے۔
تفصیلات کے مطابق لاہور میں احتساب عدالت کے باہر میڈیا سے گفتگو کرتے ہوئے سابق وزیرقانون پنجاب رانا ثنااللہ نے کہا کہ احتساب عدالت اوپن کورٹ ہے، وکلا کو روکنا انتہائی ناانصافی ہے۔
انہوں نے کہا کہ شہبازشریف کے وکیل امجد پرویزکوگاڑی سے ایک کلومیٹرپیچھے اتارا گیا، کارکنان اوروکلا کوروکنا آمریت ہے۔
رانا ثنااللہ نے کہا کہ شہبازشریف نے دیانت داری سے 10 سال پنجاب کی خدمت کی، انہیں بغیرکسی الزام کے گرفتارکرلیا گیا جو قابل مذمت ہے۔
مسلم لیگ ن کے رہنما نے کہا کہ اپوزیشن لیڈر شہبازشریف کی گرفتاری کے خلاف اسمبلیوں میں احتجاج کریں گے۔
انہوں نے کہا کہ حکومتی اقدامات کی وجہ سے ڈالرکی قیمت بڑھ رہی ہے، اگرڈالر150 پرپہنچا توملک دیوالیہ کی طرف چلا جائے گا۔
آشیانہ ہاؤسنگ اسکینڈل: شہبازشریف کواحتساب عدالت میں پیش کردیا گیا
واضح رہے کہ آشیانہ ہاؤسنگ اسکینڈل کیس میں گرفتار مسلم لیگ ن کے صدر شہبازشریف کو احتساب عدالت میں پیش کردیا گیا۔
آشیانہ ہاؤسنگ اسکینڈل کیس میں گرفتار اپوزیشن لیڈر شہبازشریف کو 10 روزہ جسمانی ریمانڈ ختم ہونے پراحتساب عدالت میں پیشی کے لیے لایا گیا۔
