لاہور: وزیرخزانہ پنجاب ہاشم جواں بخت کا کہنا ہے کہ جنوبی پنجاب کوالگ صوبہ بنانے پر وفاق نے کمیٹی بنا دی ہے۔
تفصیلات کے مطابق لاہور میں وزیرخزانہ پنجاب ہاشم جواں بخت نے بعد ازبجٹ پریس کانفرنس کرتے ہوئے کہا کہ لوکل گورنمنٹ کے بجٹ میں کوئی فرق نہیں رکھا۔
انہوں نے کہا کہ ایل جی فنڈزویلج کونسل کے تحت خرچ کرنے کا پلان ہے اور سرپلس بجٹ کا 146 ارب روپے پنجاب میں ہی خرچ ہوگا۔
وزیرخزانہ پنجاب نے کہا کہ اورنج ٹرین غیر ضروری منصوبہ تھا جوشہرت کے لیے رکھا گیا، اورنج لائن مکمل ہونے کے بعد 7 ارب سبسڈی دینی پڑے گی۔
ہاشم جواں بخت نے کہا کہ جنوبی پنجاب کوالگ صوبہ بنانے پر وفاق نے کمیٹی بنا دی ہے، جنوبی پنجاب کے لیے 66 فیصد بجٹ کو خرچ بھی کریں گے۔
پنجاب حکومت نے آٹھ ماہ کا بجٹ پیش کردیا، اپوزیشن کی ہنگامہ آرائی
یاد رہے کہ گزشتہ روز پنجاب حکومت نے 20 کھرب 10 ارب روپے کا بجٹ پیش کیا تھا، اپوزیشن نے شدید ہنگامہ آرائی کرتے ہوئے ایجنڈے کی کاپیاں پھاڑ دی تھیں۔
ملکی خزانہ لوٹنے والوں کا احتساب کریں گے‘ فیاض الحسن چوہان
بعدازاں وزیر اطلاعات پنجاب فیاض الحسن چوہان کا کہنا تھا کہ ہم نے پنجاب اور ملک لوٹنے والوں کا احتساب کرنا ہے۔
