اسلام آباد : قطرکے وزیرخارجہ آج ایک روزہ دورے پر پاکستان پہنچیں گے، وہ وزیراعظم عمران خان اور اپنے پاکستانی ہم منصب سے ملاقات کریں گے۔
تفصیلات کے مطابق قطری وزیرخارجہ محمد بن عبدالرحمان الثانی ایک روزہ دورے پر آج اسلام آباد پہنچیں گے۔
قطر کے وزیرخارجہ دورے کے دوران وزیراعظم عمران خان اور اپنے پاکستانی ہم منصب شاہ محمود قریشی سے ملاقات کریں گے۔
پاک قطر وزرائے خارجہ مذاکرات دفتر خارجہ میں ہوں گے، ملاقات کے بعد وفود کی سطح پر بھی مذاکرات کیے جائیں گے۔
قطر نے پاکستان کو ایک لاکھ نوکریوں کی پیشکش کردی
یاد رہے کہ گزشتہ ماہ 26 ستمبر کو اقوام متحدہ کی جنرل اسمبلی اجلاس کے دوران پاکستانی وزیرخارجہ شاہ محمود قریشی کی اپنے قطری ہم منصب سے ملاقات ہوئی تھی جس میں دونوں ممالک کے درمیان دو طرفہ مشترکہ مفادات کے فروغ اور تعاون پراتفاق رائے کیا گیا تھا۔
قطری وزیرخارجہ محمد بن عبدالرحمان الثانی نے ملاقات کے دوران ایک لاکھ ہنرمند پاکستانیوں کو ملازمتیں دینے کی پیشکش بھی کی تھی۔
