کراچی : پیپلزپارٹی کے شریک چیئرمین آصف زرداری کا کہنا ہے کہ مقبوضہ کشمیرمیں بھارتی فوج کےمظالم تشویش ناک ہیں۔
تفصیلات کے مطابق سابق صدر اور پیپلزپارٹی کے شریک چیئرمین آصف زرداری کا کہنا ہے کہ بھارت کشمیریوں کی نسل کشی کر رہا ہے۔
سابق صدرپاکستان نے کہا کہ مقبوضہ کشمیر میں بھارتی فوج کے مظالم تشویش ناک ہیں۔ انہوں نے حکومت سے مطالبہ کیا کہ پارلیمنٹ میں کشمیر کمیٹی کو متحرک کیا جائے۔
مقبوضہ کشمیرمیں بھارتی فورسز کی فائرنگ‘ 4 کشمیری شہید
قابض بھارتی فورسز نے مقبوضہ کشمیر کے علاقے بارہ مولا میں فائرنگ کرکے چار کشمیریوں کو شہید کردیا۔
کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔
سری نگر: کلگام میں بھارتی فورسز کی فائرنگ، 5 کشمیری شہید
یاد رہے کہ قابض بھارتی فورسز نے گزشتہ ماہ کشمیر کے علاقے کلگام میں بلا اشتعال فائرنگ کرکے پانچ کشمیری نوجوانوں کو شہید کردیا تھا۔
واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔
