اسلام آباد: وفاقی وزیراطلاعات ونشریات فواد چوہدری نے کہا کہ کشمیریوں کے صبرو استقلال سے بھارتی ظلم ہار چکا ہے۔
تفصیلات کے مطابق حریت کانفرنس، تحریک حق خودارادیت کے وفد نے وزیراطلاعات ونشریات فواد چوہدری سے ملاقات کی۔
فواد چوہدری نے مقبوضہ کشمیرمیں بھارتی ریاستی دہشت گردی کی مذمت کرتے ہوئے کہا کہ کشمیریوں کے صبرواستقلال سے بھارتی ظلم ہارچکا ہے۔
وفاقی وزیراطلاعات ونشریات نے کہا کہ پاکستان کشمیریوں کے خودارادیت کے حق کا سب سے بڑا وکیل ہے، پاکستان ہرفورم پرکشمیریوں کی جدوجہد کو اجاگرکرتا رہے گا۔
حریت کانفرنس، تحریک حق خودارادیت کے وفد نے حکومت کی جانب سے کشمیریوں کی بھرپور حمایت کے اظہار کو سراہا۔
مقبوضہ کشمیرمیں بھارتی فورسز کی فائرنگ‘ 4 کشمیری شہید
یاد رہے کہ گزشتہ روز مقبوضہ کشمیر کے علاقے بارہ مولا میں بھارتی فورسز نے سرچ آپریشن کے دوران 4 کشمیری نوجوانوں کو شہید کردیا تھا۔
سری نگر: کلگام میں بھارتی فورسز کی فائرنگ، 5 کشمیری شہید
واضح رہے کہ قابض بھارتی فورسز نے گزشتہ ماہ کشمیر کے علاقے کلگام میں بلا اشتعال فائرنگ کرکے پانچ کشمیری نوجوانوں کو شہید کردیا تھا۔
