لاہور: وزیر ریلوے شیخ رشید نے کہا ہے کہ شہبازشریف کا ایک بھی کیس صاف شفاف نہیں، نندی پور کی کمپنی بلیک لسٹ نہ ہو، تو سیاست چھوڑ دوں گا.
ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ ریل کے بغیرسی پیک کا کوئی تصورنہیں، اسی ضمن میں دو نومبر کو چین کا دورہ کریں گے.
شیخ رشید نے کہا کہ ملک میں تباہی چند افراد کی خواہشات کی وجہ سے ہوئی، فالودے والے کے اکاوئنٹ میں اربوں روپے نکل آتے ہیں، غریبوں کے کندھوں پرپیسے منتقل کیے جاتے ہیں.
وزیر ریلوے نے کہا کہ قوم کے ساتھ مذاق ہورہا ہے، جعلی دستاویزات بنائی جارہی ہیں، بدعنوان افراد کو اسمبلیوں میں نہیں آنا چاہیے.
مزید پڑھیں: وزیرریلوے کا 30اکتوبر تک ریلوے ٹریکس کے قریب اسکول اور چھوٹی فیکٹریاں بند کرنے کا اعلان
شیخ رشید نے انکشاف کیا کہ نوازشریف کو شہبازشریف قطعی برداشت نہیں، بس مجبوری میں ساتھ چل رہے ہیں، نظریہ ضرورت شریف خاندان میں بھی موجود ہے، نوازشریف کی وجہ سے اب لوگوں نے شریف نام رکھنا چھوڑدیا ہے۔
یاد رہے کہ آج وزیر ریلوے نے ایک پریس کانفرنس سے خطاب کرتے ہوئے کہا تھا کہ 30 اکتوبر تک ملک بھرمیں ریلوے ٹریکس کے قریب اسکول اور چھوٹی فیکٹریاں بند کردی جائیں گی۔
