کراچی : متحدہ قومی موومنٹ کے رہنما ڈاکٹر فاروق ستار نے کہا ہے کہ حکومت بنانے کا پروگرام بنایا گیا مگر چلانے کا پروگرام نہیں بنایا گیا، ملک میں سیاسی اور معاشی انصاف ہونا چاہئے۔

یہ بات انہوں نے کراچی میڈیکل اینڈ ڈینٹل کالج کے تحت کانفرنس سے خطاب کرتے ہوئے کہی، فاروق ستار نے کہا کہ حکومت میں تو تبدیلی آگئی ہے لیکن ملک میں آنا باقی ہے۔

حکومت بنانے کا پروگرام تو بنا لیا گیا مگر اسے کامیابی سے چلانے کا پروگرام نہیں بنایا گیا، حکومت ڈی ریل کرنے والے اب ڈونلڈ ٹرمپ کی طرح کام کر رہے ہیں۔

اپنے خطاب میں ان کا مزید کہنا تھا کہ ہم نے ہمیشہ پاکستان زندہ باد کانعرہ لگایا، ہمارے ملک کے تمام ادارے قابل احترام ہیں، پاکستان بنانے والوں کی اولادوں سے ناانصافی نہیں ہونی چاہیے، ملک میں سیاسی اور معاشی انصاف ہونا چاہئے۔

Comments