کراچی : محکمہ ٹرانسپورٹ سندھ نے آن لائن ٹیکسی سروس کو10روزکی مہلت دے دی ، وزیرٹرانسپورٹ سندھ نے کہا آن لائن ٹیکسی سروس کو بند کرنے کا کوئی ارادہ نہیں، قواعد پر عمل نہ کیا تو آن لائن ٹیکسی سروس کیخلاف کارروائی ہوگی۔
تفصیلات کے مطابق محکمہ ٹرانسپورٹ نے آن لائن ٹیکسی سروس سے متعلق فیصلہ کرتے ہوئے آن لائن ٹیکسی سروس کو10 روز کی مہلت دے دی اور کہا قواعد پر عمل نہ کیا تو آن لائن ٹیکسی سروس کیخلاف کاروائی ہوگی۔
وزیرٹرانسپورٹ سندھ اویس قادر نے کہا آن لائن ٹیکسی سروس کوبندکرنےکاکوئی ارادہ نہیں، آن لائن ٹیکسی،موٹربائیک سروس کا قوانین پرعمل لازمی ہوگا، شبہ ہےآن لائن ٹیکسی سروس میں بعض گاڑیاں چوری کی ہیں۔
یاد رہے گذشتہ روز حکومت سندھ نے آن لائن ٹیکسی سروس بند کرنے کا فیصلہ کرلیا اور کہا تھا آن لائن ٹیکسی سروس والے حکومت سندھ کی کوئی بات نہیں مان رہے۔
وزیر ٹر انسپورٹ سندھ کا کہنا تھا آن لائن ٹیکسی نےسندھ حکومت سے اجازت نہیں لی ، روٹ پرمٹ کافیصلہ ہوا لیکن اجازت نہیں لی ،ایم او یو کو 3سال ہوگئے۔
مزید پڑھیں : حکومت سندھ کا آن لائن ٹیکسی سروس بند کرنے کا فیصلہ
اویس شاہ کا کہنا تھا کہ آن لائن ٹیکسی سروس والےحکومت سندھ کی کوئی بات نہیں مان رہے ، گزشتہ روزآن لائن ٹیکسی سروس کاواقعہ پیش آیا کوئی ایکشن لیا گیا، سندھ حکومت نے آن لائن ٹیکسی سروسز کو خط لکھنے کا فیصلہ کیا ہے۔
وزیر ٹرانسپورٹ سندھ نے کہا اسکولز وینوں اوربسوں میں سی این جی سلنڈر کے خلاف کارروائی کا فیصلہ کیا ہے، اسکول بسوں اور وینوں میں سی این جی کو بند کیا جائے گا، اسکول وینوں اور انٹرا سٹی بسوں میں سی این لگانے پر 2015 سے پابندی ہے۔
اویس شاہ نے مزید کہا آن لائن موٹرسائیکل سروس بند کرنے پر بھی غورکررہے ہیں۔
یاد رہے 3 روز قبل کراچی کے علاقے شارع فیصل پر لڑکی نے چلتی گاڑی سے چھلانگ لگا دی تھی، متاثرہ لڑکی کا کہنا تھا کہ نجی کمپنی کی ٹیکسی کے ڈرائیور نے اسےہراساں کرنے کوششکی تھی، جس پر اسے گاڑی سے اترنا پڑ گیا ۔
پولیس نے مسافر لڑکی کو ہراساں کرنے کے الزام میں ڈرائیور کو گرفتار کر لیا تھا۔
