ابوظہبی : پاکستان اور آسٹریلیا کے درمیان ٹی ٹوئنٹی میچز کی سیریز کا پہلا میچ آج کھیلا جائے گا، دونوں ٹیمیں جیت کے لیے پُرعزم ہیں۔
تفصیلات کے مطابق پاکستان اور آسٹریلیا کے درمیان پہلا ٹی ٹوئنٹی میچ آج ابوظہبی میں کھیلا جائے گا، میچ پاکستانی وقت کے مطابق 9 بجے شروع ہوگا۔
آسٹریلیا کے خلاف پہلے ٹی ٹوئنٹی ٹیم میں کپتان سرفراز احمد، محمد حفیظ، فخرزمان، بابراعظم، حسین طلعت، عماد وسیم، شاداب خان، حسن علی، فہیم اشرف اور شاہین آفریدی شامل ہیں۔
پاکستان کو ٹی ٹوئنٹی رینکنگ میں نمبر ون پوزیشن برقرار رکھنے کے لیے آسٹریلیا سے ایک میچ جیتنا ہوگا جبکہ آسٹریلیا کو رینکنگ میں پہلی پوزیشن حاصل کرنے کے لیے پاکستان سے سیریز تین صفر سے جیتنی ہوگی۔
آسٹریلیا پاکستان کے خلاف 1-2 سے ٹی ٹوئنٹی سیریز جیت کر بھارت کودوسری پوزیشن سے محروم کرسکتا ہے۔
پاکستان اور آسٹریلیا کے درمیان اب تک 17 ٹی ٹوئنٹی میچز کھیلے گئے ہیں جن میں سے دس میچز میں پاکستان اور سات میں آسٹریلیا نے کامیابی حاصل کی ہے۔
ابو ظہبی ٹیسٹ: پاکستان نے آسٹریلیا کو 373 رنز سے شکست دے دی
یاد رہے کہ گزشتہ ہفتے پاکستان نے دوسرے ٹیسٹ میں آسٹریلیا کو 373 رنز سے شکست دی تھی جس کے بعد پاکستان نے 2 ٹیسٹ میچز کی سیریز 0-1 سے جیت لی تھی۔
