کوئٹہ: صوبہ بلوچستان کے دارالحکومت کوئٹہ میں سیکیورٹی فورسز کے قافلے پر حملہ ہوا جس میں 2 اہلکار شہید جبکہ 3 زخمی ہوگئے۔
ابتدائی اطلاعات کے مطابق کوئٹہ کے ضلع واشک میں سیکیورٹی فورسز کے قافلے پر حملہ ہوا ہے۔
قافلے میں آئی جی ایف سی ساؤتھ میجر جنرل سعید احمد کی گاڑی شامل تھی۔ حملہ اس وقت کیا گیا جب قافلہ واشک سے خضدار جا رہا تھا۔
- Advertisement -
حملے میں 2 اہلکار شہید جبکہ 3 زخمی ہوگئے۔
خیال رہے کہ کوئٹہ کے علاقے نواں کلی میں آج صبح ہی نامعلوم افراد کی فائرنگ سے پولیس اہلکار محمد موسیٰ جاں بحق ہوگیا۔
پولیس حکام کے مطابق اہلکار محمد موسیٰ تھانے میں ڈیوٹی پر جا رہا تھا کہ نواں کلی کے قریب نامعلوم افراد نے فائرنگ کی جس کے نتیجے میں وہ جاں بحق ہوگیا۔
فائرنگ کے واقعے کے بعد پولیس نے جائے وقوع سے شواہد اکٹھے کر کے تحقیقات کا آغاز کردیا۔
