کراچی: چیف جسٹس آف پاکستان جسٹس ثاقب نثار نے کہا ہے کہ ڈیمز پر خود پہرہ دوں گا، میرا کوئی سیاسی اجنڈا ہے نہ کبھی سیاست میں آنا ہے۔
تفصیلات کے مطابق چیف جسٹس میاں ثاقب نثار نے کہا ہے کہ میرا مقصد ڈیمز، تعلیم اور صحت کے لیے کام کرنا ہے، آبادی کے ساتھ پانی کی ضرورت بڑھ رہی ہے، پانی ذخیرہ کرنے کے لیے ہمیں ذخائر بنانا ہوں گے۔
[bs-quote quote=”لوگوں کا جذبہ ڈیمز بننے کی ضمانت بن چکا ہے” style=”style-6″ align=”left” author_name=”چیف جسٹس”][/bs-quote]
چیف جسٹس نے کہا کہ آبادی کے ساتھ پانی کی ضرورت بھی بڑھ رہی ہے، پانی پاکستان کی بقا کے لیے ضروری ہے، ہمارے پاس تاخیر کا مزید وقت نہیں ہے، اب ڈو اور ڈائی والی صورتحال ہے۔
جسٹس ثاقب نثار نے کہا کہ آسٹریلیا، جنوبی افریقہ کے ماڈلز موجود ہیں، ماہرین سے ان ماڈلز پر مشاورت کرچکے ہیں اصل معاملہ ان پر عمل درآمد کا ہے، پوری سچائی اور ایمانداری سے کام کرنے کی ضرورت ہے۔
چیف جسٹس نے کہا کہ ڈیمز کو مکمل میرٹ پر بنائیں گے، اسکولوں کے بچے پاکٹ منی جمع کرکے ڈیمز میں جمع کرارہے ہیں، کیا کوئی باپ ان بچوں کے پیسوں میں خیانت کرسکتا ہے۔
جسٹس ثاقب نثار کا کہنا تھا کہ ڈیمز ایک مہم اور جدوجہد کی صورت اختیار کرچکی ہے، لوگوں کا جذبہ ڈیمز بننے کی ضمانت بن چکا ہے۔
