لاہور:پنجاب پولیس میں اعلیٰ سطح کے افسران کے تقرر اورتبادلوں کا نوٹیفکیشن جاری کردیا گیا، 24 گھنٹے میں لاہور کے پولیس چیف دوبارہ تبدیل کردیے گئے۔
تفصیلات کے مطابق پنجاب میں محکمہ پولیس میں بڑے پیمانے پر تبدیلیاں عمل میں لائی گئیں ہیں، سابق حکومت کو کلین چٹ دینے والے افسران کے تبادلے کیے گئے ہیں۔
سی سی پی اولاہور کی تعیناتی کونیپاکورس کےباعث15دسمبرتک روک دیاگیا ہے ، ڈی آئی جی ذوالفقارحمیدنے2روزقبل سی سی پی اولاہورکاچارج لیاتھا۔
دوسری جانب بی اےناصرکو15دسمبرتک لاہورپولیس چیف کی ذمہ داریاں سونپ دی گئیں ہیں ۔ بتایا جارہا ہے کہ ذوالفقارحمیدسانحہ ماڈل ٹاؤن کےدوران ڈی آئی جی انویسٹی گیشن تھے اور انہوں نے ایل ڈی اےآتشزدگی میں سابق وزیراعلیٰ کوکلین چٹ دی۔
بہاولپورمیں2روزقبل تعینات کیپٹن ریٹائرڈمحمدفیصل راناکابھی تبادلہ منسوخ کرتے ہوئے فیصل راناکی جگہ عمران محمودکوریجنل پولیس آفیسربہاولپورتعینات کیاگیا ہے۔
