ریاض: سعودی عرب کے شہر ریاض میں ڈبلیو ڈبلیو ای کراؤن جیول کے مقابلے کا انعقاد ہوا، جس میں یونیورسٹل چیمپئن شپ، ڈبلیو ڈبلیو ای چیمپئن شپ، یونائیٹڈ اسٹیٹس چیمپئن شپ سمیت متعدد مقابلے ہوئے۔
کراؤن جیول میں مداحوں کو جن مقابلوں کا بے صبری سے انتظار تھا ان میں یونیورسل چیمپئن برون اسٹرومین اور بروک لیسنر اور انڈر ٹیکر، کین کا مقابلہ شان مائیکل اور ٹرپل ایچ سے تھا۔
یونائیٹڈ اسٹیس چیمپئن شپ
یونائیٹڈ اسٹیٹس چیمپئن شپ میں روسو اور نکا مورا مدمقابل آئے، نکما مورا کو اعزاز کا دفاع کرنا تھا تاہم ان کے حریف ریسلر روسو بھی متعدد مرتبہ یونائیٹڈ اسٹیٹس چیمپئن کا ٹائٹل اپنے نام کرچکے ہیں اس مرتبہ نکامورا نے روسو کو سخت مقابلے کے بعد شکست دے کر ٹائٹل اپنے نام کیا۔
ڈبلیو ڈبلیو ای چیمپئن شپ
ڈبلیو ڈبلیو ای چیمپئن شپ میں دا فنامونل کے نام سے مشہور اے جے اسٹائلز کا مقابلہ سموا جوئی سے ہوا، اے جے اسٹائلز نے ٹائٹل کا کامیابی سے دفاع کرتے ہوئے ڈبلیو ڈبلیو ای چیمپئن شپ کا ٹائٹل اپنے نام کیا، ایک موقع پر ایسا لگا کہ اے جے اسٹائلز شکست سے دوچار ہوجائیں گے تاہم انہوں نے سموا جوئی کے تمام حربے ناکام بنادئیے۔
WATCH OUT.#WWECrownJewel @SamoaJoe pic.twitter.com/nOduV9h7TK
— WWE (@WWE) November 2, 2018
ڈی ایکس بمقابلہ برادرز آف ڈسٹرکشن
رومن رینز کے ہاتھوں ڈبلیو ڈبلیو ای سے ریٹائرڈ ہوکر پھر رنگ میں واپس آنے والے انڈر ٹیکر اور کین کا مقابلہ شان مائیکل، ٹرپل ایچ سے ہوا، پیش گوئیاں کی جارہی تھیں کہ کین اور انڈر ٹیکر باآسانی اس مقابلے میں کامیابی حاصل کرلیں گے تاہم مقابلے کے آخر میں جب انڈر ٹیکر مار کھانے کے بعد ایک سائیڈ پر گرے ہوئے تھے تو شان مائیکل نے موقع کا فائدہ اُٹھاتے ہوئے کین کے سپر کک لگائی اور پھر ٹرپل ایچ نے اپنا مخصوص داؤ لگا کر کامیابی حاصل کرلی۔
SWEET CHIN MUSIC AND A PEDIGREE!!!!! @ShawnMichaels AND @TripleH WINS!!!!!! #WWECrownJewel https://t.co/P4vFjh5jYg pic.twitter.com/uV5vg5wvpi
— Italo Santana 🇧🇷 (@BulletClubIta) November 2, 2018
یونیورسل چیمپئن شپ
کینسر کے سبب اپنا ٹائٹل چھوڑ کر چلے جانے والے رومن رینز کی عدم موجودگی کے سبب یونیورسل چیمپئن شپ کا مقابلہ اس بار بروک لیسنر اور برون اسٹرومین کے درمیان ہوا، بروک لیسنر نے اپنا مخصوص ایف فائیو کا دو بار استعمال کیا لیکن دونوں ہی بار اسٹرومین نے اس سے بچ نکلے تاہم تیسری بار لیسنر نے ایف فائیو لگا کر اسٹرومین کو رنگ سے باہر پھینک دیا اور ریفری کے کاؤنٹنگ شروع کی لیکن اسٹرومین رنگ میں واپس آگئے پھر انہوں نے کچھ مزاحمت کی لیکن لیسنر نے ایک بار پھر ایف فائیو لگا کر کامیابی حاصل کرلی۔
#TheBeast @BrockLesnar is angry, and he just F5'd @BraunStrowman OUT OF THE RING! #WWECrownJewel pic.twitter.com/DWZAXlCHpO
— WWE (@WWE) November 2, 2018
