نارتھ ساؤنڈ: ویمنز ٹی ٹوئنٹی ورلڈکپ کے فائنل میں آسٹریلیا نےانگلینڈ کو 8 وکٹوں سے شکست دے کر ٹائٹل اپنے نام کرلیا۔

تفصیلات کے مطابق ویسٹ انڈیز میں آسٹریلیا اورانگلینڈ کے درمیان ویمنز ٹی ٹوئنٹی ورلڈکپ کا فائنل پاکستانی وقت کے مطابق صبح 5 بجے شروع ہوا۔

انگلینڈ نے فائنل میں آسٹریلیا کے خلاف پہلے بیٹنگ کرتے ہوئے 19.4 اوورز میں 105 رنز بنائے اور روایتی حریف کو جیت کے لیے 106 رنز کا ہدف دیا۔

آسٹریلیا کی ٹیم نے 106 رنز کا ہدف 16ویں اوور میں 2 وکٹوں کے نقصان پر حاصل کرکے ٹی ٹوئنٹی ورلڈکپ کا ٹائٹل اپنے نام کرلیا۔

خیال رہے کہ اس سے قبل آسٹریلیا کی ویمنز کرکٹ ٹیم 3 مرتبہ ٹی ٹوئنٹی ورلڈکپ جیت چکی ہے۔