سڈنی : شارٹس پہن کر ٹاس کے لیے آنے پر ویرات کوہلی کو شدید تنقید کا سامنا کرنا پڑا، بھارتی کرکٹ ٹیم کے کپتان آسٹریلیا سے وارم اپ میچ کے دوران شارٹس پہن کر ٹاس کے لیے آگئے تھے۔
تفصیلات کے مطابق بھارتی کرکٹ ٹیم کے کپتان ویرات کوہلی کی حرکت نے مداحوں کو حیران کردیا۔ آسٹریلیا سے وارم اپ میچ کے موقع پر شارٹس پہن کر ٹاس کیلئے آنا مداحوں کو پسند نہ آیا۔
سماجی رابطے کی ویب سائٹ ٹوئٹر پر ویرات کوہلی مداحوں کی جانب سے کی گئی تنقید کی زد میں آگئے۔ شائقین کرکٹ نے اس حرکت کو جینٹل مین گیم کی بے ادبی قرار دے دیا.
Disgraceful and disrespectful… There was time captains used to wear Blazers during toss…. This behavior is absolutely unpardonable….
— Unchaas 2.0 (@Prakash1049) November 28, 2018
ٹوئٹر پر کوہلی کی ٹا س والی تصاویر متنازعہ بن گئیں۔ مداحوں کا کہنا تھا کہ جس کھیل نے تم کو عزت دی، افسوس کہ کوہلی تم اس کھیل کو عزت نہ دے سکے۔
ایک مداح نے اپنے پیغام میں لکھا کہ ویرات کوہلی یہ حرکت شرمناک اور ناپسندیدہ ہے، ایک کپتان کا ٹاس کے دوران شارٹس پہن کر آنا ناقابل قبول ہے۔
