واشنگٹن : امریکی صدر ڈونلڈ ٹرمپ نے امریکی چیف آف آرمی اسٹاف جنرل مارک اے میلے کو امریکی افواج کا چیئرمین جوائنٹ چیفس آف اسٹاف نامزرد کردیا۔
تفصیلات کے مطابق امریکی صدر ڈونلڈ ٹرمپ نے امریکی افواج کی سربراہی جنرل مارک میلے کے سپرد کردی، جنرل مارک افغان جنگ کا وسیع تجربہ رکھنے والے شخص ہیں جو نے جنرل جوئے ڈانفورڈ کی جگہ عہدہ سنبھالیں گے۔
ڈونلڈ ٹرمپ نے امریکی افواج کے نئے سربراہ کی نامزدگی کا اعلان بھی اپنی سابقہ روایت پر عمل کرتے ہوئے ٹویٹر کے ذریعے کیا۔
I am pleased to announce my nomination of four-star General Mark Milley, Chief of Staff of the United States Army – as the Chairman of the Joint Chiefs of Staff, replacing General Joe Dunford, who will be retiring….
— Donald J. Trump (@realDonaldTrump) December 8, 2018
صدر ٹرمپ نے سماجی رابطے کی ویب سائٹ پر ٹویٹ کیا کہ ’ میں اس بات کا اعلان کرتے ہوئے مسرت محسوس کررہا ہوں کہ امریکا کی برّی افواج کے چیف آف اسٹاف فور اسٹار جنرل مارک وک چیئرمین جوائنٹ چیفس آف اسٹاف نامزد کررہا ہوں‘۔
….I am thankful to both of these incredible men for their service to our Country! Date of transition to be determined.
— Donald J. Trump (@realDonaldTrump) December 8, 2018
امریکی صدر نے سماجی رابطے کی ویب سائٹ پر امریکا اور امریکی افواج کے لیے بہترین خدمات انجام دینے والے جنرل ڈینفورڈ کا شکریہ بھی ادا کیا۔
ڈونلڈ ٹرمپ نے ٹویٹ میں لکھا کہ جنرل جوئے ڈنفورڈ اپنے عہدے سے سبکدوش ہورہے ہیں جن کی ذمہ داریاں اب جنرل مارک میلے سنبھالیں گے۔
خیال رہے کہ جنرل مارک میلے سنی 2015 سے امریکی افواج میں اعلیٰ عہدے پر خدمات انجام دے رہے ہیں۔
امریکی خبر رساں ادارے کا کہنا ہے کہ جنرل مارک اے ملیے عراق و افغانستان جانے والے فوجی دستوں کی بارہا سربراہی کرچکے ہیں، اور انہیں جنگوں کو وسیع تجربہ ہے۔
جنرل مارک میلے کی نامزدگی سے متعلق امریکی سینیٹ نے بھی تصدیق کردی ہے۔
امریکی میڈیا کے مطابق امریکی افواج کے کچھ اعلیٰ فوجی افسران کا کہنا ہے کہ فضائی افواج کے سربراہ جنرل ڈیوڈ گولڈفن مذکورہ عہدے زیادہ حقدار تھے لیکن جنرل مارک میلے کے صدر ٹرمپ سے تعلقات اچھے ہیں۔
غیرملکی میڈیا کا کہنا ہے کہ امریکا کے ریٹائرڈ ہونے والے چیئرمین جوائنٹ چیفس آف اسٹاف جنرل جوئے کو صدر اوبامہ نے دو سال کےلیے اعلیٰ عہدے پر نامزد کیا تھا جبکہ صدر ٹرمپ سنہ 2017 جنرل جوئے دوبارہ چیئرمین تعینات کردیا تھا۔
