اسلام آباد: وفاقی وزیرِ اطلاعات فواد چوہدری نے سماجی رابطوں کی ویب سائٹ ٹویٹر پر کہا کہ لگتا نہیں کہ بریفنگ کر پاؤں گا کیوں کہ کابینہ اجلاس ختم ہونے کے کوئی آثار نظر نہیں آ رہے ہیں۔
تفصیلات کے مطابق فواد حسین چوہدری نے وفاقی کابینہ کے خصوصی اجلاس کے حوالے سے ٹویٹ کرتے ہوئے کہا کہ سو دن کی کارکردگی کے حوالے سے وزرا کی بریفنگ جو ساڑھے گیارہ بجے شروع ہوئی تھی اب بھی جاری ہے۔
سو دن کی کارکردگی کے حوالے سے وزراء کی بریفنگ جو 1130 شروع ہوئ اب بھی جاری ہے، وزیر اعظم جس محنت،صبر اور تحمل سے تمام وزراء کی کارکردگی جانچ رہے ہیں یہ انھیں کا خاصہ ہے۔ سو دن میں وزارتوں میں جو کام ہوئے ہیں پچھلے دس سال میں اس کا تصور بھی نہیں ہو سکتا تھا۔
— Ch Fawad Hussain (@fawadchaudhry) December 10, 2018
فواد چوہدری نے اپنے ٹویٹر پیغام میں کہا کہ وزیرِ اعظم عمران خان جس محنت، صبر اور تحمل سے تمام وزرا کی کارکردگی جانچ رہے ہیں یہ انھی کا خاصہ ہے۔
وزیرِ اطلاعات کا کہنا تھا کہ سو دن میں وزارتوں میں جو کام ہوئے ہیں پچھلے دس سال میں اس کا تصور بھی نہیں ہو سکتا تھا۔
لگتا نہیں کہ بریفنگ کر پاؤں گا کیونکہ ابھی میٹنگ ختم ہونے کے کوئ آثار نظر نہیں آ رہے https://t.co/hwzHF4qgcX
— Ch Fawad Hussain (@fawadchaudhry) December 10, 2018
اس تفصیلی ٹویٹ کے کچھ دیر بعد وزیرِ اطلاعات نے ایک ٹویٹ کے جواب میں کہا کہ ’لگتا نہیں کہ بریفنگ کر پاؤں گا کیونکہ ابھی میٹنگ ختم ہونے کے کوئی آثار نظر نہیں آ رہے۔‘
یہ بھی پڑھیں: وفاقی کابینہ اجلاس: وزارتوں کی کارکردگی کے لیے ہر 3 ماہ بعد اجلاس بلانے کا فیصلہ
واضح رہے کہ اسلام آباد میں وزیرِ اعظم کی زیرِ صدارت وفاقی کابینہ کا اجلاس گزشتہ 9 گھنٹے سے مسلسل جاری ہے، وزرا، وزرائے مملکت، مشیران اور معاونینِ خصوصی 11 بجے سے وزیرِ اعظم آفس میں موجود ہیں۔
