اسلام آباد: وزیراعظم عمران خان نے صوبائی وزیر کی اسپتال کےایم ایس کودھمکی آمیزکال کا نوٹس لے لیا.
تفصیلات کے مطابق وزیراعظم نے نوٹس لیتے ہوئے وفاقی وزیر صحت عامرکیانی سےٹیلی فونک رابطہ کیا ہے.
وزیراعظم نے صوبائی وزیر راجا بشارت کی اسپتال کے ایم ایس سے ٹیلی فونک گفتگو کی تفصیلات طلب کرتے ہوئے معاملے کو منطقی انجام تک پہنچانے کی ہدایت کی ہے.
واضح رہے کہ وزیرِ قانون پنجاب کی ایم ایس بے نظیر اسپتال سے دھمکی آمیز گفتگو منظرِ عام پر آئی تھی، جس میںوزیرِ قانون نے سرکاری اسپتال کے ڈاکٹر کا تبادلہ کرانے کی کوشش کی۔
مزید پڑھیں: مارچ تک پتا چل جائے گا کہ عمران خان کھلاڑی ہے یا اناڑی ہے: شیخ رشید
قبل ازیں وزیرصحت یاسمین راشد نے بھی واقعے کا نوٹس لینے کا اعلان کیا تھا اور وائس چانسلر راولپنڈی میڈیکل یونیورسٹی سے رپورٹ طلب کر تھی۔
اس ضمن میں یاسمین راشد کا کہنا تھا کہ انتظامی اموراور محکمانہ معاملات میں سیاسی مداخلت حکومت کی پالیسی نہیں، قانون کی حکمرانی برقراررکھی جائے گی۔ قانونی کی حکمرانی ہر صورت برقرار رکھی جائے گی۔
دوسری جانب ینگ ڈاکٹرز ایسوسی ایشن نے راجا بشارت کو ہٹانے کا مطالبہ کرتے ہوئے حکومت کو ر72 گھنٹے کی مہلت دی ہے.
