اسلام آباد: پاکستان اسٹاک ایکسچینج کا کہنا ہے کہ اسٹاک مارکیٹ میں کاروباری ہفتے کے آخری روز مندی کا رجحان رہا۔
تفصیلات کے مطابق پاکستان اسٹاک مارکیٹ میں سال دوھزار انیس سے تین روز قبل مندی کا شکار رہی، جعلی اکاؤنٹس میں شامل افراد کے نام ای سی ایل میں شامل کرنے کے بعد سرمایہ کار حصص فروخت کرتے رہے۔
پاکستان اسٹاک ایکسچینج کے مطابق حکومت کی جانب سے جعلی اکاؤنٹس میں شامل کے افراد کے نام ایگزٹ کنٹرول لسٹ میں شامل کرنے کے بعد سرمایہ کاروں نے حصص کی فروخت کو ترجیح دی جس کے باعث انڈیکس میں ایک موقع پر 819 پوائنٹس کی کمی بھی ہوئی۔
بعد ازاں اختتامی مراحل میں سو پوائنٹس کی ریکوری کے بعد انڈیکس 686 پوائنٹس کمی کے بعد 37 ھزار 167 پر بند ہوا۔
ہفتہ وار معاشی رپورٹ، روپے کی قدر مستحکم، اسٹاک میں 344 پوائنٹس کی کمی، سونے کے بھاؤ بھی کم
مارکیٹ میں مجموعی طور پر تیرہ کروڑ شیئرز کا کام ہوا۔
خیال رہے کہ گذشتہ ہفتے پاکستان اسٹاک ایکسچینج میں کاروباری ہفتے کے دوران 100 انڈیکس میں 334 پوائنٹس کی کمی ریکارڈ کی گئی تھی۔
جبکہ سونے کی فی تولہ قیمتیں 800 روپے کم ہوئی تھیں۔
