لاہور: مسلم لیگ ن کے سینئر رہنما سعد رفیق کی مشکلات میں مزید اضافہ ہوگیا، نیب نے ایک اور انکوائری کا حکم دے دیا.
تفصیلات کے مطابق نیب کے زیر حراست سابق وزیر ریلوے سعدرفیق کے خلاف ریلوے اراضی لیز کرنے کے کیس پرانکوائری کی منظوری دے دی گئی ہے.
سعدرفیق کے خلاف انکوائری کی منظوری چیئرمین نیب جسٹس (ر) جاوید اقبال کی جانب سے دی گئی.
نیب ذرائع کے مطابق سعدرفیق دورمیں لاہور، قصور اور فیصل آباد اراضی 33 سال کی لیز پردی گئی.
موصولہ اطلاعات کے مطابق لیز کا معاہدہ مشکوک ہے، قواعد و ضوابط بھی جعلسازی سے طے کیے گئے.
نیب ذرائع کا کہنا ہے کہ اسٹیٹ لینڈ کو پٹرول پمپس اور دیگر کمرشل دکانوں کے لئے مختص کیا گیا، سعدرفیق نےمختلف کمپنیزکےذریعےاراضی قواعد سے ہٹ کرلیز پر دی، اراضی پہلے کمپنیوں کے نام پھرمن پسند افراد کو لیزپر دی گئی، چیئرمین نیب نے انکوائری مکمل کرکے رپورٹ پیش کرنےکی ہدایت کردی.
ریلوے خسارہ کیس: خواجہ سعد رفیق سپریم کورٹ میں پیش
یاد رہے کہ 26 دسمبر 2018 کو سابق وفاقی وزیر کو ریلوے خسارہ کیس میں قومی احتساب بیورو نیب نے سپریم کورٹ میں پیش کیا تھا۔
سپریم کورٹ لاہوررجسٹری میں چیف جسٹس میاں ثاقب نثار کی سربراہی میں بینچ نے ریلوے خسارہ ازخود کیس کی سماعت کی۔
