راولپنڈی: آرمی چیف جنرل قمر جاوید باجوہ سے وزیر اعلیٰ بلوچستان نے ملاقات کی.
پاک فوج کے شعبہ تعلقات عامہ (آئی ایس پی آر) کے مطابق آج آرمی چیف سے وزیراعلیٰ بلوچستان جام کمال کی ملاقات ہوئی، جس میں صوبہ بلوچستان کی سیکیورٹی صورت حال پرتبادلہ خیال کیا گیا.
[bs-quote quote=”پاک ایران بارڈر پر سیکیورٹی کو آرڈی نیشن سے صورتحال میں بہتری آئے گی” style=”style-7″ align=”left” author_name=”آرمی چیف”][/bs-quote]
آئی ایس پی آر کے مطابق اس موقع پر آرمی چیف نے کہا کہ بلوچستان میں سیکیورٹی صورت حال کو تقویت دینا پاک فوج کی ترجیح ہے.
آرمی چیف جنرل قمر جاوید باجوہ کا کہنا تھا کہ پاکستان کی ترقی کا انحصاربلوچستان میں امن واستحکام اورترقی سے ہے.
مزید پڑھیں: آرمی چیف نے 22 دہشت گردوں کی سزائے موت کی توثیق کردی
مزید پڑھیں: آرمی کی ریسکیو خدمات کا اعتراف، روس کی طرف سے جنرل قمر باجوہ اور 10 افسران کے لیے میڈلز کا اعزاز
سپہ سالار نے مزید کہا کہ پاک افغان بارڈرپر باڑ لگانے سے سیکیورٹی کی صورت حال مزید بہترہوگی. پاک ایران بارڈر پر سیکیورٹی کو آرڈینیشن سے صورتحال میں بہتری آئے گی.
اس موقع پر وزیر اعلیٰ بلوچستان نے کہا کہ صوبے میں سیکیورٹی بہتربنانےمیں پاک فوج کی کوششیں قابل قدرہیں، بہتر سیکیورٹی سے سماجی واقتصادی منصوبے بہتر طور پر مکمل ہوسکیں گے۔ خوش حال بلوچستان پروگرام کے تحت مختلف منصوبوں پرکام جاری ہے۔
یاد رہے کہ گذشتہ روز آرمی چیف جنرل قمر جاوید باجوہ نے 22 دہشت گردوں کی سزائے موت کی توثیق کی تھی، آرمی چیف نے 15 دہشت گردوں کی مختلف سزاؤں کی بھی توثیق کی۔
