ابوظہبی: متحدہ عرب امارات میں بجٹ 2019 منظور کرلیا گیا جس کے تحت خطے میں ہزاروں نئی نوکریوں کے مواقع مسیر آئیں گے۔
تفصیلات کے مطابق متحدہ عرب امارات کے نائب صدر اور وزیراعظم شیخ محمد بن راشد المکتوم نے 56.8 بلین درہم کا بجٹ 2019 منظور کرلیا۔
غیر ملکی خبر رساں ادارے کے مطابق نئے بجٹ کی منظوری سے متحدہ عرب امارات میں 2498 نئی نوکریوں کے مواقع ملیں گے۔
اس بجٹ میں 51 بلین درہم عمومی اخراجات کی مد میں رکھا گیا ہے جو پچھلے سال کے مقابلے میں 1.2 فیصد زیادہ ہے، جبکہ عمومی انتظامی امور، گرانٹ اور سبسیڈی کی مدد میں بجٹ کا 47 فیصد حصہ مختص کیا گیا ہے جو سال 2018 کے مقابلے میں 5 فیصد اضافی ہے۔
بجٹ میں تعلیم، صحت اور رہائشی شعبے کے لیے 33 فیصہ حصہ رکھا گیا ہے۔
حکام کا کہنا ہے کہ ملکی معاشی شعبے اور پالیسی سے یو اے ای کی جی ڈی پی میں 850 ملین درہم کا اضافہ ہوا، نئی بجٹ بھی عوام کے لیے سود مند ثابت ہوگا اور ہزاروں نوکریاں ملیں گی۔
خیال ہے کہ سال 2018 کے لیے حکام نے 56.6 بلین درہم کا بجٹ منظور کیا تھا جس میں انفرا اسٹرکچر کے شعبے میں زیادہ توجہ دی گئی تھی۔
