ڈھاکا: مغربی بنگلادیش کی خاتون وزیراعلیٰ مماتا بنیرجی بیڈمنٹن کی زبردست کھلاڑی نکلیں، اُن کی ویڈیو سوشل میڈیا پر وائرل ہوگئی۔
سماجی رابطے کی ویب سائٹ پر وائرل ہونے والی ویڈیو میں دیکھا جاسکتا ہے کہ خاتون وزیراعلیٰ ساڑھی پہن کر بیڈمنٹن کھیلنے کا شاندار مظاہرہ کررہی ہیں۔
مماتا نے ڈبل میچ کھیلا جس میں انہیں شکست کا سامنا ضرور کرنا پڑا مگر صارفین نے ساڑھی پہن کر بیڈمنٹن کھیلنے کو مہارت قرار دیا۔
وزیراعلیٰ کا کہنا تھا کہ ’ہم کھیلوں سے بے پناہ محبت کرتے ہیں اور گاؤں کی سطح پر اس کا فروغ بھی چاہتے ہیں‘۔
ویڈیو دیکھیں
https://www.facebook.com/MamataBanerjeeOfficial/videos/731778973863094/
رپورٹ کے مطابق وزیراعلیٰ نے حال ہی میں بربہم ضلعے میں منعقد ہونے والے جنگل محل کپ فیسٹیول کا افتتاح کیا تھا جس میں انہوں نے اس بات کا انکشاف بھی کیا تھا کہ وہ بیڈمنٹن کی بہترین کھلاڑی ہیں اور اسکول زمانے میں کھیلوں میںبڑھ چڑھ کر حصہ بھی لیتی تھیں۔
