ڈی جی خان: پی ٹی آئی رہنما راشد بخاری پر قاتلانہ حملے کی سی سی ٹی وی فوٹیج سامنے آگئی.

تفصیلات کے مطابق ڈیرہ غازی خان میں پی ٹی آئی رہنما راشد بخاری کو   چار روز قبل نامعلوم افراد نے فائرنگ کرکے زخمی کردیا تھا،ان کے سر پر  گولی لگی تھی.

[bs-quote quote=”راشد بخاری  چار روز تک وینٹی لیٹر پر زندگی اور موت کی کش مکش میں رہے” style=”style-7″ align=”left”][/bs-quote]

راشد بخاری پی ٹی آئی سٹی ڈی جی خان کے نائب صدر تھے، راشد بخاری  چار روز تک وینٹی لیٹر پر زندگی اور موت کی کش مکش میں رہے، زخموں کی تاب نہ لاتے ہوئے وہ گذشتہ روز  انتقال کر گئے.

اب حملے کی سی سی ٹی وی فوٹیج منظرعام پر آئی ہے، جس میں‌ فائرنگ کرنے والے حملہ آور کو دیکھا جاسکتا ہے.

پی ٹی آئی رہنما راشدبخاری کو گھر کے باہر قتل کیا گیا تھا، قاتل نے بھاگتے ہوئےانتہائی قریب سےپی ٹی آئی رہنماکوسرمیں گولی ماری تھی.

واقعے کی شہر کے سیاسی و سماجی حلقوں کی جانب سے شدید مذمت کی گئی، پولیس دعووں کے باوجود تاحال راشد بخاری کے قاتلوں کو گرفتار نہیں کرسکی ہے.