نارووال: پنجاب میں پیش آیا خطرناک ٹریفک حادثہ جس کے نتیجے میں دو افراد جاں بحق ہوگئے۔
تفصیلات کے مطابق پنجاب کے شہر سیالکوٹ کی تحصیل پسرور میں ہولناک ٹریفک حادثے نے 2 دو افراد کی جانیں لے لیں۔
ریسکیو حکام کا کہنا ہے کہ نارووال روڈ کے قریب کار اور ٹریکٹرٹرالی میں ٹکر ہوئی جس کے باعث 2 افرادجاں بحق ہوئے۔
حادثے کے بعد ٹریکٹرٹرالی ڈرائیور موقع سے فرار ہوگیا، جبکہ جاں بحق ہونے والوں کو مقامی اسپتال میں رکھا گیا ہے۔
پولیس نے واقعے کے حوالے سے تحقیقات شروع کردی۔
بلوچستان: ہولناک ٹریفک حادثہ، 2 افراد جاں بحق، 7 زخمی
خیال رہے کہ دو روز قبل صوبہ بلوچستان میں خطرناک ٹریفک حادثہ جس کے نتیجے میں دو افراد جاں بحق اور 7 زخمی ہوگئے تھے۔
واضح رہے کہ گذشتہ برس نومبر میں سندھ کے ضلع دادو میں ہولناک ٹریفک حادثے نے دو افراد کی جانیں لے لی تھیں، جبکہ چار شدید زخمی بھی ہوئے تھے۔
یاد رہے کہ گذشتہ ماہ ہی صوبہ بلوچستان کے شہر اوتھل کے قریب تیز رفتار مسافرکوچ الٹ گئی تھی، حادثے میں 3 افراد جاں بحق جبکہ 12 زخمی ہوگئے تھے۔
