واشنگٹن: امریکا میں جوائنٹ ٹیرازم فورسز نے کارروائی کرتے ہوئے وائٹ ہاؤس سمیت دیگر سرکاری عمارتوں کو تباہ کرنے کی منصوبہ بندی کرنے والے مشتبہ شخص کوگرفتار کرلیا۔
تفصیلات کے مطابق جارجیا کے شہر کَمنگ میں انسداد دہشت گردی ٹاسک فورسز نے ایف بی آئی کی سربراہی میں چھاپہ مارکر21 سالہ مشتبہ شخص کوگرفتار کرلیا۔
اٹارنی جنرل کا میڈیا سے گفتگو کرتے ہوئے کہنا تھا کہ ملزم وائٹ ہاؤس سمیت دیگرسرکاری عمارتوں کو دھماکہ خیز مواد سے اڑانے کی منصوبہ بندی کررہا تھا۔
انہوں نے مزید کہا کہ ملزم نے دوران تفتیش اعتراف کیا ہے کہ وہ دیسی ساختہ بم اور ڈیوائس کی مدد سے وائٹ ہاؤس اور دیگر وفاقی عمارتوں کو نشانہ بنانا چاہتا تھا۔
امریکا میں بم دھماکوں میں ملوث ملزم نے خود کو دھماکے سے اڑا لیا
یاد رہے کہ گزشتہ سال مارچ میں امریکی ریاست ٹیکساس میں بم دھماکوں میں ملوث 24 سالہ مشتبہ ملزم نے خود کو دھماکہ خیز مواد سے اڑا لیا تھا۔
بعد ازاں امریکی پولیس نے اپنے بیان میں کہا تھا کہ مشتبہ ملزم نے مارچ میں ہی شہر کے مختلف مقامات پر6 دھماکے کیے تھے، ملزم پارسل بیگ میں دھماکہ خیز مواد رکھ کر دھماکے کرتا تھا، بم دھماکوں کے نتیجے میں 2 افراد ہلاک اور متعدد زخمی ہوئے تھے۔
