اسلام آباد : وفاقی وزیر پٹرولیم وقدرتی وسائل غلام سرور خان کا کہنا ہے کہ تحریک انصاف کی حکومت ملک کو ترقی اور خوشحالی کی راہ پرگامزن کردے گی۔
تفصیلات کے مطابق اسلام آباد میں او جی ڈی سی ایل کے عہدیداروں کی تقریب حلف برداری سے خظاب کرتے ہوئے وزیر پٹرولیم غلام سرور خان نے کہا کہ حکومت عوام کے ساتھ کیے گئے تمام وعدے پورے کرنے کے لیے پُرعزم ہے۔
وفاقی وزیر پٹرولیم وقدرتی وسائل تحریک انصاف کی حکومت ملک کو ترقی اور خوشحالی کی راہ پرگامزن کردے گی۔
انہوں نے کہا کہ وزیراعظم عمران خان کی قیادت میں ملک کو درپیش تمام مسائل حل کرلیے جائیں گے۔
غلام سرور خان نے مزید کہا کہ تحریک انصاف نے ہمیشہ محنت کش طبقے کی حمایت اور اس کے حقوق کے لیے آواز بلند کی ہے۔
یقین دلاتا ہوں، پاکستان کے سبز پاسپورٹ کی دنیا بھر میں عزت ہوگی‘عمران خان
یاد رہے کہ گزشتہ روز تحریک انصاف کے سینئر رہنما حاجی مہتاب حسین کا کہنا تھا کہ رشوت خوری، منی لانڈرنگ بند ہوچکی، وزیراعظم عمران خان کی قیادت میں ملک ترقی وخوشحالی کی راہ پرگامزن ہوچکا ہے۔
حاجی مہتاب حسین کا مزید کہنا تھا کہ تمام کرپشن زدہ لوگ آہستہ آہستہ اپنے انجام کو پہنچ رہے ہیں۔
واضح رہے کہ 31 جنوری کو وزیراعظم عمران خان کا کہنا تھا کہ پاکستان بناؤ سرٹیفکیٹ کا اجرا اوورسیز پاکستانی کے لیے ہے، یقین دلاتا ہوں پاکستان کے سبز پاسپورٹ کی دنیا میں ہر جگہ عزت ہوگی۔
