لاہور : صوبائی وزیر اطلاعات و ثقافت فیاض الحسن چوہان نے کہا ہے کہ ہندوستان کے آئندہ انتخابات میں نریندر مودی کو جتوانے کیلئے بھارتی ایجنسی را خود دہشت گردی کروا رہی ہے۔
یہ بات انہوں نے الحمرا اوپن ائیر تھیٹر میں راول رنگ پٹھوار ثقافتی میلے کی تقریب کے بعد میڈیا سے گفتگو کرتے ہوئے کہی۔
وزیراطلاعات فیاض الحسن چوہان نے کہا کہ ہندوستان خطے میں چانکیہ سیاست کو فروغ کر پاکستان کو بدنام کرنا چاہتا ہے اور ممبئی حملوں کی طرح اب بھی صرف الزام تراشی کی جارہی ہے، دنیا میں سب سے بڑا دہشت گرد ملک پاکستان نہیں بلکہ انڈیا ہے۔
فیاض الحسن چوہان صوبائی وزیر اطلاعات وزیراطلاعات کا کہنا تھا کہ اب فنکاروں کی بہبود کیلئے مختص پیسہ ان ہی کو ملے گا کیونکہ حکومت اصل فنکاروں کی سرپرستی کررہی ہے منی لانڈرنگ اور قومی خزانہ لوٹنے والوں فنکا روں کی نہیں۔
مزید پڑھیں: فیاض چوہان کا پنجاب میں پی اے سی رکن بننے کا عندیہ، بھارت پر طالبان کی حمایت کا الزام
فیاض الحسن چوہان صوبائی وزیر اطلاعات اسے پہلے پٹھورای خطے سے تعلق رکھنے والے فنکاروں نے اپنے فن کا مظاہرہ کرکے حاضرین سے خوب داد سمیٹی جبکہ وزیراطلاعات نے نمایاں فنکاروں میں انعامات بھی تقسیم کئے۔
