کراچی : وفاقی وزیر آبی وسائل فیصل واوڈا کا کہنا ہے کہ بھارت نےجارحیت کی پاکستان نےاپنےدفاع میں جواب دیا، خطےمیں امن چاہتےہیں ، یہ مودی کے یار کا پاکستان نہیں نیاپاکستان ہےبھرپورجواب دیا جائے گا۔
تفصیلات کے مطابق وفاقی وزیر آبی وسائل فیصل واوڈا نے اے آر وائی نیوز سے گفتگو کرتے ہوئے پاک بھارت موجودہ صورتحال پر کہا یہ مودی کےیارکاپاکستان نہیں نیاپاکستان ہےبھرپورجواب دے گا، بھارت نےجارحیت کی پاکستان نےاپنےدفاع میں جواب دیا۔
فیصل واوڈا کا کہنا تھا کہ ہم کسی سےکم نہیں صرف خطےمیں امن چاہتےہیں، بھارت جارحیت کرےگا تو بھرپور جواب دیا جائےگا۔
یاد رہے پاکستان نے2بھارتی جنگی طیارےمارگرائے، ایک بھارتی طیارے کا ملبہ پاکستانی حدودمیں گرا، جس کے بعد 3 بھارتی پائلٹ کو گرفتار کرلیا گیا جبکہ ایک بھارتی طیارے کا ملبہ مقبوضہ کشمیر کی حدودمیں گرا ، جس میں طیارے کے دونوں پائلٹ ہلاک ہوگئے۔
مزید پڑھیں : پاکستانی حدود کی خلاف ورزی پر بھارتی طیارے مارگرائے
بعد ازاں پاکستان کے دفتر خارجہ کے ترجمان نے بھارت کو سرپرائز دینے کی تصدیق کرتے ہوئے کہا تھا کہ پاکستان نے باقاعدہ وارننگ کے بعددن کی روشنی میں حملہ کیا، پاکستان کشیدگی نہیں چاہتا، مجبور کیا گیا تو پوری طرح تیار ہیں۔
واضح رہے اس سے قبل بھارتی ایئرفورس کی جانب سے لائن آف کنٹرول کی خلاف ورزی کی گئی تھی، پاک فضائیہ کی بروقت ردعمل کے بعد بھارتی طیارے فرار ہوگئے تھے۔
بھارتی دراندازی پر وزیراعظم عمران خان کی زیرصدارت قومی سلامتی سے متعلق اجلاس ہوا تھا ، جس میں وزیراعظم نے پاک فضائیہ کے بروقت ایکشن کی تعریف کرتے ہوئے پاک فوج اور عوام کو تیار رہنے کی ہدایت کی تھی اور کہا تھا جوابی کارروائی کیلئے پاکستان وقت اور جگہ کا انتخاب خود کرے گا۔
بعد ازاں ڈی جی آئی ایس پی آر میجرجنرل آصف غفور کا کہنا تھا کہ بھارتی طیاروں نے مظفرآباد سیکٹر سے دراندازی کی کوشش کی اور مظفر آباد سیکٹر میں تین سے بچارمیل اندر آئے، بھارتی طیاروں نے جلد بازی میں اپنا پے لوڈ کھلے علاقے میں گرایا، تاہم پے لوڈ گرنے سے کوئی جانی یا مالی نقصان نہیں ہوا۔
