سینٹ لوشیا : ویسٹ انڈیز نے انگلینڈ کو پانچویں ون ڈے میں سات وکٹوں سے شکست دے کر سیریز ڈرا کردی۔
تفصیلات کے مطابق سینٹ لوشیا میں ہونے والے میچ میں ویسٹ انڈیز نے انگلش پلئیرز کو دھول چٹادی۔ پہلے بیٹنگ کرتے ہوئے انگلش ٹیم صرف ایک سو تیرہ رنز ہی اسکور کر سکی۔
اوشین تھامس نے پانچ بلے بازوں کا شکار کیا، ہدف کے تعاقب میں کرس گیل کا انگلش بالرز پر لاٹھی چارج جاری رہا، یونیورس باس نے اپنی اننگز میں نو چھکے اور پانچ چوکے لگائے، کرس گیل شاندار پرفارمنس کی وجہ سے مین آف دی سیریز قرار پائے۔
