اسلام آباد : وزیراعظم عمران خان کا کہنا ہے کہ سچ کی جانب سفر نئے پاکستان کی جانب سے سفر ہے۔
تفصیلات کے مطابق سماجی رابطے کی ویب سائٹ ٹویٹر پروزیراعظم عمران خان نے اپنے پیغام میں کہا کہ قومیں اپنے اعلیٰ اقدارکے باعث عظیم بنتی ہیں۔
وزیراعظم پاکستان نے کہا کہ مسلم امہ کی بنیاد ریاست مدینہ ہے جس کا اہم ستون سچائی ہے۔
I welcome CJ’s statement on punishing those who give false testimony. “Journey towards truth” is a journey towards Naya Pakistan. Nations become great because they have a higher value system. Muslim civilisation’s foundation was State of Medina with truthfulness as the core value
— Imran Khan (@ImranKhanPTI) March 5, 2019
انہوں نے اپنے پیغام میں مزید کہا کہ چیف جسٹس آصف سعید کھوسہ کے جھوٹے گواہوں کو سزا کے بیان کی حمایت کرتا ہوں، سچ کی جانب سفر نئے پاکستان کی جانب سے سفر ہے۔
یاد رہے کہ گزشتہ روز چیف جسٹس کی سربراہی میں سپریم کورٹ کے 3 رکنی بینچ نے جھوٹی گواہی دینے سے متعلق کیس کی سماعت کی تھی۔
چار مارچ 2019 آج سے سچ کا سفر شروع کررہے ہیں‘ چیف جسٹس
چیف جسٹس آصف سعید کھوسہ نے جھوٹی گواہی پر برہمی کا اظہار کرتے ہوئے ریمارکس دیے تھے کہ جھوٹے گواہوں نے نظام عدل کو تباہ کرکے رکھ دیا ہے، تمام گواہوں کو خبر ہوجائے، بیان کا کچھ حصہ جھوٹ ہوا تو سارا بیان مسترد ہوگا۔
چیف جسٹس نے سیشن جج نارووال کو جھوٹے گواہ اے ایس آئی خضر حیات کے خلاف کارروائی کا حکم دیتے ہوئے کہا تھا کہ 4 مارچ 2019 سے سچ کا سفر شروع کر رہے ہیں۔