بغداد: عراقی شہر موصل کے قریب دریا میں کشتی الٹ گئی جس کے نتیجے میں 71 افراد جاں بحق ہوگئے۔
غیرملکی خبررساں ادارے کے مطابق عراقی شہر موصل کے قریب دریا میں کشتی الٹنے سے 71 افراد جان کی بازی ہار گئے جبکہ 28 افراد لاپتا ہیں جن کو ریسکیو آپریشن شروع کردیا گیا ہے۔
کشتی میں سوار 200 کے قریب مسافر سیاحتی جزیرے کی طرف نو روز کا تہوار منانے جارہے تھے، ڈوبنے والوں میں بچے اور خواتین بھی شامل ہیں۔
رپورٹ کے مطابق کشتی الٹنے کا حادثہ گنجائش سے زیادہ افراد بٹھانے کے باعث پیش آیا مزید تحقیقات جاری ہیں۔
ریسکیو ذرائع کے مطابق حادثے میں جاں بحق افراد کو اسپتال منتقل کردیا گیا ہے جبکہ زخمیوں کی حالت تشویش ناک بتائی جاتی ہے جس کے سبب ہلاکتوں میں اضافے کا خدشہ ہے۔
A ferry with dozens of tourists, children among them, capsized in the Mosul area in Iraq, with at least 17 people dead, a security source tells Sputnik. Preliminary information indicates that the number of people on the ferry was more than the number allocated pic.twitter.com/kEiESThvcW
— Sputnik Insight (@Sputnik_Insight) March 21, 2019
کشتی میں سوار 30 افراد کو ریسکیو کرلیا گیا ہے جبکہ دیگر لاپتا افراد کی تلاش جاری ہے۔
مزید پڑھیں: لیبیا: تارکین وطن کی کشتی ڈوب گئی، درجنوں مہاجرین ہلاک
واضح رہے کہ گزشتہ روز غیرقانونی طور پر یورپ جانے کی کوشش میں لیبیا کے ساحل پر کشتی ڈوبنے سے درجنوں تارکین وطن ہلاک ہوگئے تھے۔
مہاجرین بحیرہ روم عبورکرکے غیرقانونی طور پر یورپی ملک اٹلی میں داخل ہونا چاہتے تھے، تاہم ان کی کوشش ناکام ہوگئی اور متعدد تارکین وطن مارے گئے۔
خیال رہے کہ گذشتہ سال جولائی میں یورپ جانے کی خواہش لیے مہاجرین اپنی جانوں سے ہاتھ دھو بیٹھے تھے، بحیرہ روم میں کشتی ڈوبنے سے 16 افراد ہلاک جبکہ متعدد لاپتہ ہوگئے تھے۔
