لندن: برطانوی وزیر خزانہ فلپ ہیمنڈ نے سینئر وزاء کی جانب سے تھریسا مے کو عہدے سے ہٹانے سے متعلق خبروں کو مسترد کردیا۔
تفصیلات کے مطابق برطانوی وزیرخزانہ فلپ ہیمنڈ نے نیوزچینل سے گفتگو کرتے ہوئے کہا برطانیہ کو وزیراعظم تھریسامے کو اقتدار سے ہٹائے بغیر یورپی یونین سے علیحدگی اختیار کرنی چاہیے۔
فلپ ہیمنڈ نے اخبارات کی ان خبروں کو مسترد کردیا جن میں کہا گیا کہ سینئروزاء وزیراعظم تھریسامے کو عہدے سے ہٹانے کے لیے سازش کررہے ہیں۔
برطانوی وزیر خزانہ نے کہا کہ وزیراعظم تھریسامے کی تبدیلی کا کوئی فائدہ نہیں ہوگا، وہ اپنے فرائض اچھے سے انجام دے رہی ہیں۔
انہوں نے کہا کہ وزیراعظم یورپی یونین سے علیحدگی کے معاہدے کے لیے اکثریت حاصل کرنے میں کامیابی نہیں ہوسکیں گی۔
وزیر خزانہ فلپ ہیمنڈ نے کہا کہ اگر ایسا ہوتا ہے تو پارلیمنٹ کو فیصلہ کرنا ہوگا کہ وہ کس کے خلاف اور کس کے حق میں ہے۔
یورپی یونین سے انخلاء نامنظور، برطانوی عوام بریگزٹ کی مخالفت کردی
یاد رہے کہ برطانیہ میں بریگزٹ مخالف مارچ نے شدت اختیارکرلی، گزشتہ روز لاکھوں افراد بریگزٹ پر دوبارہ ریفرنڈم کا مطالبہ لے کرسڑکوں پر نکل آئے تھے۔
مظاہرین نے یورپی یونین کے حق میں درجنوں پوسٹرز اور پرچم اٹھا کر احتجاج کیا اور ناقص حکمت عملی پر وزیراعظم تھریسامے کے خلاف نعرے بازی کی تھی۔
