جے پور: بھارتی اسپنر روی چندر ایشون نے آئی پی ایل میچ میں بھونڈی حرکت کردی، چالاکی کا مظاہرہ کرتے ہوئے گیند کرائے بغیر جوس بٹلر کو رن آؤٹ کردیا۔
تفصیلات کے مطابق گزشتہ روز انڈین پریمیئر لیگ (آئی پی ایل) کے میچ میں کنگز الیون پنجاب کے کپتان روی چندر ایشون نے گیند کرائے بغیر جوس بٹلر کے خلاف رن آؤٹ کی اپیل کی جسے امپائر نے آؤٹ قرار دے دیا، معروف کرکٹرز نے ایشون کو اس حرکت پر آڑے ہاتھوں لے لیا۔
شین وارن، مائیکل وان اور مورگن نے ایشون کی اس حرکت کو شرمناک قرار دیتے ہوئے کہا کہ یہ کرکٹ کی روح اور اسپورٹس مین اسپرٹ کے خلاف ہے۔
سابق آسٹریلوی لیگ اسپنر شین وارن نے کہا کہ بحیثٰت کپتان اور شخص ایشون نے بہت مایوس کیا، ان کا گیند کرانے کا کوئی ارادہ نہیں تھا اس لیے اسے ’ڈیڈ بال‘ قرار دینا چاہئے تھا۔
So disappointed in @ashwinravi99 as a Captain & as a person. All captains sign the #IPL wall & agree to play in the spirit of the game. RA had no intention of delivering the ball – so it should have been called a dead ball. Over to u BCCI – this a not a good look for the #IPL
— Shane Warne (@ShaneWarne) March 25, 2019
ڈین جونز نے اپنے ٹویٹ میں لکھا کہ ’اس میں ایشون کو ذمہ دار قرار نہیں دیا جاسکتا ہے، اس طرح آؤٹ کرنا قانون میں موجود ہے کیا ہوا اگر کرکٹ میں اسے اچھا نہیں سمجھا جاتا ہے۔
Don’t blame Ashwin here. As it’s allowed in the Laws of the game.. how is it disrespectful or against the spirit of the game if it’s allowed within the Laws of game?
Blame the administrators for making the Law.
— Dean Jones (@ProfDeano) March 25, 2019
ایک ٹویٹر صارف نے ویڈیو شیئر کرتے ہوئے لکھا کہ ایسا تو گلی کی کرکٹ میں بھی لوگ نہیں کرتے ہیں جیسا ایشون نے کیا ہے۔
Aise to gully cricket mei bhi nhi krte log jaisa ashwin ne kiya h 😞😟😞😟
Do you agree with ashwin’s actions #Ashwin #KXIPVSRR pic.twitter.com/mpPYp4LrOr— Chowkidar @Hari Singh Rao (@HariSinghPatan1) March 26, 2019
واضح رہے کہ روی چندر ایشون کنگز الیون پنجاب کے کپتان ہیں جبکہ جوس بٹلر راجستھان رائلز کی نمائندگی کررہے ہیں۔
کنگز الیون پنجاب نے پہلے بیٹنگ کرتے ہوئے کرس گیل کی جارحانہ 79 رنز کی بدولت 184 رنز بنائے تھے جواب میں راجستھان رائلز کی ٹیم 170 رنز بناسکی، ایشون کی ٹیم نے میچ 14 رنز سے جیت لیا، جوس بٹلر نے 43 گیندوں پر 69 رنز کی اننگز کھیلی۔
کرکٹ حلقوں کے مطابق اگر جوس بٹلر کو اس طرح آؤٹ نہیں کیا جاتا تو میچ کنگز الیون پنجاب کے ہاتھوں سے نکلتا ہوا دکھائی دے رہا تھا۔
