کراچی: پاکستان پیپلز پارٹی کے سینئر رہنما منظور وسان نے کہا ہے کہ جون کے بعد حالات ایسے ہوں گے کہ وزیر اعظم خود ہی استعفیٰ دیں گے.
تفصیلات کے مطابق پیش گوئیوں کے لیے مشہور پی پی رہنما منظور وسان نے وزیر اعظم عمران خان سے متعلق حیران کن پیش گوئی کی ہے، یہ پیش گوئی انھوں نے سوشل میڈیا پر جاری ویڈیو میں کی.
[bs-quote quote=”2020 عمران خان اور اس کی حکومت کے لیے کڑوا سال ثابت ہوگا، جون کے بعد حالات ایسے ہوں گے کہ عمران خان خود ہی استعفیٰ دیں گے” style=”style-8″ align=”left” author_name=”منظور وسان”][/bs-quote]
انھوں نے کہا کہ جس طرح حکومت ٹویٹر سے چلائی جارہی ہے، اس طرح حکومتیں نہیں چلائی جاتیں، وزیر اعظم عمران خان سے عوام کا اعتماد ختم ہوچکا.
انھوں نے کہا کہ پارٹی رہنماﺅں کی طرف سے ایسے حالات پیدا کئے جائیں گے، جس سے وزیر اعظم کی اہمیت ختم ہوجائے گی، عمران خان کی خیبر پختونخوا اورپنجاب میں پہلے والی پوزیشن ختم ہوتی جارہی ہے۔
انھیں سوچ سمجھ کر فیصلے کرنے چاہییں، ایسا نہ ہو کہ مستقبل میں وزیر اعظم کے فیصلے نہ مانے جائیں اور انھیں اپنی سیاست سے ہاتھ دھونا پڑے.
مزید پڑھیں: وزیراعظم عمران خان نے 162ارب روپے کے کراچی پیکج کی منظوری دے دی
انھوں نے وزیر اعظم پر کڑی تنقید کرتے ہوئے ان کا اقتدار میں آنا غلطی تھا، 2020 وزیر اعظم عمران خان اور اس کی حکومت کے لیے کڑوا سال ثابت ہوگا، جون کے بعد حالات ایسے ہوں گے کہ عمران خان خود ہی استعفیٰ دیں گے.
انھوں نے یہ بھی کہا تھا کہ عمران خان کی جگہ شاہ محمود قریشی کو نیا وزیراعظم لایا جائے، تحریک انصاف جو باتیں کر رہی ہے وہ سمجھ سے باہر ہے.
