لاہور : پاکستان کرکٹ بورڈ نے کرکٹر عمر اکمل کو ڈسپلن کی خلاف ورزی کرتے ہوئے بغیر اجازت ڈسکو کلب جانے پر جرمانہ عائد کردیا، کھلاڑی نے پی سی بی سے غلطی کی معافی مانگ لی۔
تفصیلات کے مطابق پاک آسٹریلیا ون ڈے سیریز کا چوتھا میچ ہارنے کے بعد ڈسپلن کی خلاف ورزی کرتے ہوئے بغیر اجازت دبئی کے نائٹ کلب پہنچ گئے تھے جس پر پاکستان کرکٹ بورڈ نے کرکٹر کو سزا سنادی۔
پی سی بی نے بلے باز عمر اکمل پر میچ فیس کا20فیصد جرمانہ عائد کیا ہے اور ساتھ ہی انہیں آئندہ ایسا اقدام نہ کرنے کی تنبیہ بھی کی گئی ہے، اس حوالے سے ذرائع کا کہنا ہے کہ کرکٹرعمر اکمل نے پی سی بی سے غلطی کی معافی مانگ لی ہے۔
واضح رہے کہ عمر اکمل نے نائٹ کلب میں اپنی ویڈیو بنا کر سوشل میڈ یا پر بھی شیئر کی تھی جس پر سوشل میڈیا صارفین کی جانب سے انہیں شدید تنقید کا سامنا بھی کرنا پڑا، انہوں نے چوتھے ون ڈے میچ میں صرف7رنز اسکور کیے تھے۔
ایک جانب آسٹریلیا سے ون ڈے سیریز میں مسلسل شکست پر پاکستانی کرکٹ کے حلقے پریشان ہیں لیکن عمراکمل اس بات کی پرواہ کیے بغیر اپنی پرانی روش برقرار رکھے ہوئے ہیں۔
مزید پڑھیں: عمر اکمل ڈانس پارٹی میں رنگے ہاتھوں پکڑے گئے، پی سی بی کا ٹیم میں شامل کرنے سے انکار
اس سے قبل بھی کرکٹر عمر اکمل ڈانس پارٹی میں رنگے ہاتھوں پکڑے گئے تھے جس کی وجہ سے انہیں انگلینڈ کے خلاف ٹی ٹوئنٹی اسکواڈ سے ڈراپ کر دیا گیا تھا۔
