لاہور : سابق وزیر اعظم کی صاحبزادی مریم نواز کا کہنا ہے کہ ڈاکٹروں نے نواز شریف کے لئے لائف سیوانگ ڈیوائس تجویز کی ہے، متعلقہ ماہرین سے رجوع کیا ہے، نوازشریف کو کس علاج کی ضرورت ہے، اس پرواضح معلومات ہونی چاہییں۔
تفصیلات کے مطابق سابق وزیر اعظم کی صاحبزادی مریم نواز سماجی رابطے کی ویب سائٹ ٹوئٹر پر اپنے بیان میں کہا ڈاکٹرزنے میاں صاحب کیلئےبیک اپ پیس میکر اورآئی سی ڈی تجویزکیاہے، ڈاکٹروں کی تجویزان کیلئےلائف سیونگ ڈیوائس ہے۔
مریم نواز کا کہنا تھا کہ گزشتہ روزنوازشریف کاگردوں کاایکواورالٹراساؤنڈہوا، آج نوازشریف کےگردوں کاسی ٹی اسکین ہوگا۔
Will also have CT Scan for kidneys today. Earlier at Services Hospital it was diagnosed & documented that MNS has significant Carotid Artery Stenosis and Peripheral Arterial Disease, widespread thickening and narrowing of vessels. https://t.co/hHM1xibqJN
— Maryam Nawaz Sharif (@MaryamNSharif) April 3, 2019
ایک اور ٹوئٹ میں انھوں نے کہا نواز شریف کی لیب،سکین سمیت دیگرٹیسٹ رپورٹ مرتب کرلی جائیں گی اور ان کے ٹیسٹ رواں یا آئندہ ہفتے سے ہوں گے، ان کی صحت کے بارے میں متعلقہ ماہرین سے رجوع کیا ہے، نوازشریف کو کس علاج کی ضرورت ہے، اس پرواضح معلومات ہونی چاہییں۔
MNS’s labs/scans/investigations to be completed by the end of this week or early next week. Concerned specialists being consulted. We should have a clearer picture of his health status & the procedures he needs subsequently.
— Maryam Nawaz Sharif (@MaryamNSharif) April 3, 2019
گذشتہ روز نوازشریف کا شریف میڈیکل سٹی میں طبی معائنہ کیا گیا تھا ، طبی معائنہ میں نواز شریف کےدل کے جائزے کیلئے ایکوکارڈیو گرام کیاگیا، جس میں ان کے جسم میں خون کے بہاؤمیں رکاوٹ پائی گئی۔
بعد ازاں ڈاکٹرز نے نوازشریف کادل اور گردوں کا ایم آر آئی کرانے کا فیصلہ کیاتھا، ان کی ایم آرآئی،دیگرٹیسٹ ہوں گے جبکہ گردوں میں پتھری کی تشخیص کیلئےسی ٹی اسکین کیا جائے گا۔
اس سے قبل نوازشریف کے ذاتی معالج ڈاکٹرعدنان نے میڈیا سے گفتگو کرتے ہوئے کہا تھا کہ 6 ہفتےمیں نوازشریف کا علاج ہوسکتا ہے یا نہیں، یہ کہنا قبل ازوقت ہے، علاج اور ٹیسٹوں کے لیے سینئر پروفیسرز پر مشتمل بورڈ تشکیل دیا گیا ہے، لندن میں مقیم نواز شریف کے معالج ڈاکٹر لارنس سے مشاورت جاری ہے۔
