کراچی : وفاقی وزیر بحری امور علی حیدر زیدی نے کراچی کے شہریوں سے اپیل کی ہے کہ وہ ساحلی مقامات کی صفائی کے عمل میں عملے کے ساتھ تعاون کریں۔
یہ بات انہوں نے سماجی رابطے کی ویب سائٹ ٹوئٹر پر ایک پیغام میں کہی، وفاقی وزیر علی زیدی نے مزید کہا کہ یہ شہر ہمارا ہے، یہ سمندر بھی ہمارا ہے، یہ پانی بھی ہمارا ہے، کراچی والے ساحل پر گندگی نہ پھیلائیں۔
My dear Karachiites…
Every weekend we go to enjoy the beautiful sea. We use the Kemari Jetties to go on boat rides & have fun. But I beg you, please don’t litter. This is our own city. Our own ocean. Our own water. Please help me clean it! pic.twitter.com/DlOAODFPhd— Ali Haider Zaidi (@AliHZaidiPTI) April 9, 2019
انہوں نے اہلیان کراچی سے اپیل کی ہے کہ وہ شہر قائد کو صاف رکھنے میں حکومت کی مدد کریں۔ اپنے پیغام میں انہوں نے بتایا کہ کیماڑی کے ساحل اور جیٹی کی صفائی شروع کردی گئی ہے، شہری اسے صاف رکھنے میں ان کی مدد کریں۔
انہوں نے اپنی پوسٹ میں صفائی سے پہلے کی کیماڑی کی تصویریں بھی شیئر کیں اور بتایا کہ شہری سیر و تفریح کی غرض سے کیماڑی آتے ہیں ، کشتیوں میں سفر کرتے ہیں، درخواست ہے کہ ساحلی مقامات پر گندگی نہ پھیلائی جائے۔
