لاہور: پاکستان میں دس سال بعد ٹیسٹ کرکٹ کی بحالی کے امکانات روشن ہوگئے، سری لنکا نے گرین سگنل دے دیا۔
تفصیلات کے مطابق پاکستان میں ٹیسٹ کرکٹ کی واپسی اب خواب نہیں. پاکستان میں دس سال بعد ٹیسٹ کرکٹ بحال ہونے جارہی ہے.
سری لنکا نے رواں سال ورلڈ ٹیسٹ چیمپئین شپ کے دو میچز پاکستان آکر کھیلنے کی ہامی بھرلی، ٹیسٹ میچز کی میزبانی لاہور اور کراچی کریں گے۔
ذرائع کے مطابق بنگلا دیش کے ساتھ ٹیسٹ چیمپئین شپ کے میچز پاکستان آکر کھیلنے کے لئے مذاکرات جاری ہیں.
مزید پڑھیں: کیا یونس خان پاکستانی جونیئر ٹیم کے ہیڈ کوچ بننے والے ہیں؟
پاکستان اور سری لنکا کے درمیان یہ مقابلے آئی سی سی ورلڈ ٹیسٹ چیمپئن شپ کے درمیان ہوں گے، ورلڈ ٹیسٹ چیمپئن شپ میں 9 ممالک کی ٹیمیں مدمقابل ہوں گی. حکام کی کوشش ہے کہ سری لنکا کے بعد بنگلا دیش بھی پاکستان کا دورے کرے.
خیال کہ پاکستان میں انٹرنیشنل کرکٹ کی بحالی میں آئی پی ایس نے کلیدی کردار ادا کیا، دنیا کو یہ پیغام دیا کہ پاکستان کرکٹ کے لیے ایک محفوظ ملک ہے.
یاد رہے کہ پاک بھارت تنازع کے باوجود پی سی ایل کے آٹھ میچز کراچی میں ہوئے، جن میں انٹرنیشنل کرکٹ کے بڑے ستاروں نے شرکت کی.
