اسلام آباد : وزیر اعظم کے معاون خصوصی افتخاردرانی نے بلاول بھٹو کو کرارا جواب دیتے ہوئے کہا حادثاتی چیئرمین صاحب یہ بتا ئیں وزیراعظم نے یہ کہاں کہا کہ جرمنی اور جاپان ہمسائے ہیں ، قوم کی دولت لوٹ کر جو آکسفورڈ کی ڈگری دلوانے استعمال ہوئی وہ ضائع ہو گئی۔
تفصیلات کے مطابق )وزیراعظم کے معاون خصوصی افتخار درانی نے بلاول بھٹو زرداری کی ٹوئٹ پر ردعمل دیتے ہوئے کہا وزیراعظم نےکہاتھاجرمنی جاپان نےمشترکہ صنعتیں بنائیں، وزیراعظم نےکہاتھامشترکہ صنعتیں سرحدی علاقوں میں بنائی گئیں۔
افتخاردرانی کا کہنا تھا حادثاتی چیئرمین صاحب وزیراعظم نےیہ کہاں کہادونوں ہمسائےہیں، حادثاتی چیئرمین صاحب آپ کے پلے بھی کچھ نہیں پڑا، قوم کی دولت لوٹ کر آپ کوآکسفورڈکی ڈگری دلوانے پر ضائع کی گئی۔
خیال رہے وزیر اعظم عمران خان نے ایران میں بزنس فورم سے خطاب میں جاپان اور جرمنی کے درمیان تجارتی تعلقات کے بیان کو غلط رنگ دیا گیا۔
بلاول بھٹو نے ٹوئٹ پر طنز کرتے ہوئے کہا تھا ہمارے وزیراعظم کے خیال میں جرمنی،جاپان کی سرحدملتی ہے، یہ بڑی شرمندگی کی بات ہے، یہی ہوتا ہےجب آکسفورڈ یونیورسٹی صرف کرکٹ کھیلنے کی بنیاد پر لوگوں داخلہ دیتی ہے۔
