کولمبو: سری لنکا میں دہشت گرہ حملوں کے ایک ہفتے گزر جانے کے باوجود حالات معمول پر نہ آسکے، فضاء آج بھی سوگوار رہی۔
تفصیلات کے مطابق سری لنکا میں ایسٹر کے موقع پر خود کش دھماکوں نے ملک کا نظام زندگی اب تک مفلوج کررکھا ہے، شہری اب بھی اس غم میں سوگوار ہیں۔
غیر ملکی خبر رساں ادارے کا کہنا ہے کہ ملک میں مزید ممکنہ دہشت گردی کے پیش نظر سیکیورٹی ہائی الرٹ رکھی گئی ہے، جبکہ حکام نے اتوار کے روز ملک بھر کے گرجا گھروں میں دعائیہ سروس منسوخ رکھی۔
ملک کے مختلف علاقوں میں سیکیورٹی فورسز کی جانب سے خفیہ آپریشن بھی جاری ہیں، اطلاعات کے مطابق اب کہ درجنوں مشتبہ دہشت گردوں کو گرفتار کیا جاچکا ہے۔
سری لنکن پولیس نے دو روز قبل سامندروی شہر میں خفیہ اطلاع پر کارروائی کی اور 7 افراد کو گرفتار کیا جن کے قبضے سے بڑی تعداد میں دھماکا خیز مواد برآمد کیا گیا۔
دوسری جانب حساس اداروں نے دعویٰ کیا تھا کہ انہوں نے اپنی تحقیقات مکمل کرلیں اور جلد ملک میں چھپے ہوئے دہشت گردوں کے خلاف حتمی کارروائی کا آغاز کیا جائے گا۔ سری لنکن وزیراعظم نے سیکیورٹی فورسز کو امن و امان کے اقدامات یقینی بنانے کا بھی حکم دیا۔
سری لنکا میں پولیس چھاپے کے دوران خود کش دھماکا، 7 گرفتار
یاد رہے کہ 21 اپریل کو ایسٹر کے موقع پر سری لنکا کے 8 گرجا گھروں میں یکے بعد دیگرے خود کش دھماکے ہوئے تھے جس کے نتیجے میں تین سے کے قریب افراد مارے گئے جبکہ سینکڑوں زخمی ہوئے۔
