راولپنڈی : سابق صدر آصف زرداری نے کہا نیب چلے گا یا معیشت، دونوں ساتھ نہیں چل سکتے ، لگتا نہیں حکومت 5 سال کی مدت پوری کر پائے گی۔
تفصیلات کے مطابق احتساب عدالت کے باہرآصف زرداری نے میڈیا سے بات چیت کرتے ہوئے ایک سوال کے جواب میں کہا نیب چلے گا یا معیشت، دونوں ساتھ نہیں چل سکتے۔
صحافی نے سوال کیا کہ کیا حکومت 5 سال پورے کرےگی؟ جس پر آصف علی زر داری نے کہاکہ خدانخواستہ ، لگتانہیں حکومت 5سال کی مدت پوری کرپائےگی۔
سابق وزیراعظم میاں نوازشریف کے لندن جانے سے متعلق سوال پر آصف زرداری نے کہا کہ اللہ سب کو صحت دے، اگر میاں صاحب کو ضرورت ہے تو لندن چلے جائیں، وہ کہاں جائیں گے۔
مولانا فضل الرحمان کی تحریک میں شمولیت سے متعلق سابق صدر نے کوئی جواب نہیں دیا اور صرف ’انشاءاللہ‘ کہا۔آخر میں سابق صدر نے صحافیوں سے کہا کہ ’پھر نہیں کہنا میں بولتا نہیں ہوں۔
اس سے قبل جعلی اکاؤنٹس کیس میں سابق صدر آصف زرداری اور فریال تالپور احتساب عدالت میں پیش ہوئے، دوران سماعت ایک اور ملزم شیرمحمد وعدہ معاف گواہ بننے کو تیار ہوگیا تھا۔
مزید پڑھیں : جعلی اکاؤنٹس کیس : ایک اور ملزم شیر محمد بھی وعدہ معاف گواہ بننے کو تیار
دوسری جانب احتساب عدالت میں آصف زرداری،فریال تالپورکی مستقل ضمانت منظور کرلیں ہیں ، ضمانتیں20،20لاکھ مچلکوں کے عوض منظور کی گئیں۔
