پشاور: وزیر دفاع پرویز خٹک کے بھائی اور رکن خیبرپختونخواہ اسمبلی لیاقت خٹک نے صوبائی وزیر کے عہدے کا حلف اٹھا لیا۔
تفصیلات کے مطابق لیاقت خٹک نے صوبائی وزیر کے عہدے کا حلف اٹھا لیا، حلف برداری کی تقریب گورنرہاؤس پشاور میں ہوئی۔
گورنرخیبرپختونخواہ شاہ فرمان نے رکن اسمبلی لیاقت خٹک سے صوبائی وزیر کے عہدے کا حلف لیا۔
حلف برداری کی تقریب میں وفاقی وزیر مذہبی امور نورالحق قادری، وزیردفاع پرویز خٹک، وزیراعلیٰ خیبرپختونخواہ محمود خان، اسپیکر خیبرپختونخواہ اسمبلی مشتاق غنی سمیت صوبائی وزرا، چیف سیکرٹری محمد سلیم اور اراکین صوبائی اسمبلی شریک ہوئے۔
یاد رہے کہ پی کے 64 نوشہرہ سے پاکستان تحریک انصاف کے لیاقت خٹک 22 ہزار 775 ووٹ لے کر کامیاب قرار پائے تھے، ان کے مدمقابل شاہد خٹک نے 9 ہزار 560 ووٹ لیے تھے۔
لیاقت خٹک رکن خیبراسمبلی منتخب ہونے سے قبل ضلع نوشہرہ کے ناظم تھے، انہوں نے صوبائی اسمبلی کے انتخابات لڑنے کے لیے ضلع ناظم کے عہدے سے استعفیٰ دیا تھا۔
