اسلام آباد: پاکستان نے بھارتی فوج کی جانب سے کنٹرول لائن پرجنگ بندی کی بلااشتعال خلاف ورزیوں پر شدید احتجاج کیا۔
تفصیلات کے مطابق ترجمان دفترخارجہ ڈاکٹرمحمد فیصل نے کہا کہ بھارتی فوج کنٹرول لائن اور ورکنگ باؤنڈری کے ساتھ شہری آبادی کو بھاری ہتھیاروں سے نشانہ بنا رہی ہے۔
ترجمان دفترخارجہ نے کہا کہ جان بوجھ کر شہری آبادی کو نشانہ بنانا انتہائی افسوس ناک، انسانی وقار، عالمی قوانین اور انسانی قوانین کی خلاف ورزی ہے۔
ڈاکٹرمحمد فیصل نے کہا کہ بھارت کی جانب سے جنگ بندی کی خلاف ورزیاں علاقائی امن وسلامتی کے لیے خطرہ ہیں اور بھارت کے لیے ان کے سنگین نتائج برآمد ہوسکتے ہیں۔
یاد رہے کہ گزشتہ ہفتے بھارتی فورسز نے کنٹرول لائن کے سیکٹر رکھ چکری میں جنگی بندی کی خلاف ورزی کرتے ہوئے پندرہ سالہ لڑکے طاہر حفیظ کو شہید اور اس کی نو سالہ بہن طاہرہ زخمی کردیا تھا۔
ایل او سی: پاک فوج کا بھارتی اشتعال انگیزی کا منہ توڑ جواب، پانچ بھارتی فوجی ہلاک
واضح رہے کہ گزشتہ ماہ بھارتی فوج نے ایل او سی کی شہری آبادی پر بلااشتعال فائرنگ کرکے خاتون اور بچوں سمیت چھ پاکستانیوں کو زخمی کردیا تھا، پاک فوج نے جوابی کارروائی میں پانچ بھارتی فوجی مار گرائے۔
